Вести › Набрзинка

Џими Картер почина на 100

30 декември 2024

Џими Картер беше 39-от американски претседател, со мандат од 1977 до 1981. Дојде кога требаше да се справи со економската цена на Виетнамската војна а замина убедливо поразен од Роналд Реган (489 спрема 49 електорални гласови).
Откако ја напушти Белата куќа, Картер се зафати со важни глобални каузи што му донесоа Нобелова награда за мир во 2002 година. Го убеди Конгресот да ја отстапи американската контрола врз Панамскиот канал, покажа дека може да се постигнат мировни договори на Блискиот Исток и заврши битна етапа за ограничување на стратешкото воружување со Советскиот Сојуз.
После филмот „Арго“ на Бен Афлек, излезе овој историски детал: Изборниот штаб на Роналд Реган имал контакти со официјален Техеран за време на прочуената заложничка драма со Американците во Иран. Им ветиле помош и оружје ако не ги ослободат пред изборите, за Џими Картер да не укнижи поени за тоа. После изборите, навистина им го испорачале ветеното.
АКТУЕЛНИОТ претседател на САД, уште на 15 март 2023 година се излаја дека тој ќе ја држи посмртната реч за Картер (Бајден не прави само гафови туку и спојлери).

Види и:

Џими Картер: Олигаргхијата владее со изборите

извор

Албанци против Кушнер и Иванка Трамп

1 јуни 2026

Илјадници Албанци излегоа на улиците на мирни демонстрации против изградбата на луксузно одморалиште од 1,4 милијарди долари на јужниот брег, поврзано со Иванка Трамп и Џаред Кушнер.
Ќерката и зетот на Доналд Трамп градат комплекс со 1.000 луксузни вили на плажа и хотелски соби на островот Сазан и полуостровот Звернец, како и нов меѓународен аеродром. Локацијата е во заштитеното мочуриште Пише Поро-Нарта, едно од еколошки најчувствителните подрачја во Албанија.
Владата на Еди Рама го забрза договорот. Парламентот го промени законот за животна средина неколку недели пред почетокот на изградбата, дозволувајќи хотели со пет ѕвездички во заштитени зони. Дозволата беше издадена на 29 април 2026 година, без јавно објавување.
Рама ѝ додели статус на „стратешки инвеститор“ на компанијата на Кушнер - Atlantic Incubation Partners кон крајот на 2024 година, само неколку недели пред инаугурацијата на Трамп, без целосен бизнис план или студија за изводливост. Критичарите велат дека одлуката била политички мотивирана, за да обезбеди симпатии од администрацијата на Трамп.
41 еколошка организација од 28 земји повикаа на итно прекинување на проектот. Против се локалните жители, еколошките групи и грчкото малцинство во областа.

извор

САД не нашле ниту една иранска мина во Ормускиот проток

1 јуни 2026

Американската војска не пронашла никакви докази дека Иран поставил мини во Ормускиот проток и покрај повеќемесечни пребарувања со подводни дронови, роботски системи и авиони, јавува NBC News, повикувајќи се на функционери од Вашингтон.
„Ако ништо друго, заканата не е толку голема колку што се плашевме“, изјавил изворот.
Само неколку часа претходно Трамп тврдеше дека САД „веќе детонирале бројни ирански мини и дека сите преостанати ќе бидат отстранети согласно идниот мировен договор“.

Пентагон во април предупреди дека „за чистењето на иранските мини ќе бидат потребни шест месеци“.
Откако почна војната пред три месеци, Иран никогаш не кажал дека поставил мини во Ормускиот проток. На 12 март ја отфрли како неточна изјавата на Трамп дека американските сили погодиле 28 ирански бродови за поставување мини.

извор