Вести › Набрзинка

Десетици жртви во пожар во новоотворен мол во Ирак

17 јули 2025

Повеќе од 60 луѓе загинаа во пожар во трговски центар во ирачкиот град Кут.
Од запалената петкатница биле спасени 45 луѓе.
Пожарот избувнал синоќа, од се уште не познати причини. Молот свечено бил отворен пред само една недела.
Владата објави тридневна национална жалост и вети дека во рок од 48 часа ќе бидат објавени детали од истрагата. Покрената е постапка против сопствениците на молот и на објектот.

At least 60 people have been killed and many more are missing after a huge fire engulfed a hypermarket in Iraq’s eastern city of Kut. pic.twitter.com/0TKBH57AQ7
— Al Jazeera English (@AJEnglish) July 17, 2025

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор

Руски милијардер најде решение за економијата: да се работи 6 дена по 12 часа

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.

извор