Вести › Набрзинка

Дамева даде оставка од судски совет

2 декември 2024

Судскиот совет на итна седница ја констатираше неотповикливата оставка на претседателката на Советот Весна Дамевска, која во јавно обраќање соопшти дека поради немање слух кај власта за обезбедување брза и ефикасна правда, како и обидите за нарушување на нејзиниот интегритет од страна на високи владини функционери, поднесува неотповиклива оставка од функцијата.
На предложениот дневен ред бил и избор на нов претседател на Судскиот совет, но точката била тргната за кога советот ќе биде во полн состав.
Од Владата оценуваат дека оставката на претседателката на Судскиот совет Весна Дамева е единствената можна и исправна одлука по огромните забелешки за нејзината работа.
– Разбираме дека од ваквата одлука ќе има многу засегнати и загрижени поради нивното сомнително работење, огромните сомнежи за криминал, како и фалсификување на записници, но правдата мора да профункционира, стои во одговорот од Владата.
Дамева кажа Мицкоски да докаже или да се извини за тврдењето дека во Судски совет се фалисфикувале записници

извор

Српска изборна класика: Вучиќ победува, опозицијата не признава

9 јуни 2025

Завршија вонредните локални избори во Заечар и Косјериќ, кои се гледаа како лакмус за расположението на народот после 6 месечните протести и блокади на студентите и граѓаните кои ги поддржуваа.
Повикувајќи се на записниците кои ги имаат потпишано и опозиционите учесници во изборите, Александар Вучиќ соопшти дека неговата Српска напредна странка во Косјериќ победила тесно а во поголемиот Заечар убедливо.
Рече дека изборите минале во услови досега невидени на српската политичка сцена и атмосфера на линч, прогон, малтретирање на граѓаните, закани, уцени, кршење на сите законски норми, кршење на елементарните изборни правила...
Вучиќ е горд и задоволен од резултатите, особено на оние во Заечар кадешто освоиле 3.000 гласови повеќе од минатите избори.
„Невидена кражба,“ соопшти опозицијата и порача дека не ги признава резултатите по што повика на протести пред владата.