Вести › Набрзинка

Човекот кој за платформите на Матка се прогласи за ненадлежен

22 октомври 2021

Петре Шилегов најави дислоцирање на Железара, Цементарница и другата тешка индустрија надвор од Скопје.
На прашањето на новинарот „Кај да се исели? Кај ќе ги носите?“, Шилегов одговори:

„Ќе биде сложена операција, ќе мора да влеземе во еден сериозен, општествено-државен процес...“

извор

Руски генерал убиен со бомба во Москва

22 декември 2025

Рускиот генерал Фанил Сарваров, началник на Дирекцијата за оперативна обука, изутринава бил убиен во бомбашки напад пред неговиот дом во Москва.
Бомбата била поставена во неговиот автомобил и била активирана од далечина, неколку секунди откако возилото почнало да се движи на паркингот.
Се спроведува истрага за сомневањата дека Сарваров бил жртва на атентат извршен од украинските разузнавачки служби.
Пред една година во сличен напад беше убиен генералот Игор Кирилов, шеф на руските сили за нуклеарна, биолошка и хемиска заштита. Атентатот го извршил Узбекистанец врбуван од украински служби. Генералот Јарослав Москалик во април беше убиен со бомба во неговиот автомобил во предградие на Москва.

извор

САД ја отповикуваат амбасадорката Агелер од Македонија?

22 декември 2025

Македонија е меѓу 29-те земји од кои САД ќе повлечат амбасадори и високи дипломати од кариера, со цел да постават персонал што целосно го поддржува принципот „Америка на прво место“ на претседателот Трамп, тврдат извори на Политико и на Асошиетед прес.
Според двајца анонимни претставници на Стејт департментот, ќе бидат сменети амбасадорите на САД во Македонија, Црна Гора, Ерменија и Словачка, во 13 земји од Африка и во шест од Азија. Шефовите на мисии биле информирани минатата недела дека нивните мандати ќе завршат во јануари. Не им била дадена причина за отповикувањето.
Сите се дипломати од кариера назначени од администрацијата на Бајден, но не биле опфатени со чистката во почетокот на вториот мандат на Трамп, која главно беше насочена кон политички назначени лица.
Искусната дипломатка Анџела Агелер беше номинирана за амбасадорка на САД во Македонија од администрацијата на Џо Бајден во мај 2022 година. По процесот на одобрување, таа ги предаде акредитивните писма на 8 ноември 2022 година.
„Отповикувањата се стандарден процес. Амбасадорот е личен претставник на претседателот и право на претседателот е да се осигура дека во овие земји се промовира агендата Америка на прво место“, соопшти Стејт департментот. Оние што ќе бидат погодени од реконструкцијата ќе се вратат во Вашингтон и ќе бидат прераспоредени на други задачи.

извор