Вести › Набрзинка

Членството во ЕУ повеќе не е приоритет за Турција

15 август 2026

Турскиот претседател Реџеп Таип Ердоган оцени дека ЕУ не е подготвена да ја прифати Турција и дека како резултат на тоа, губитник ќе биде Европа.
Турскиот претседател рече дека добил ветување од американскиот претседател Доналд Трамп во врска со враќањето на Турција во програмата за воени авиони Ф-35 и чека да биде исполнето.
Турција беше исклучена од мултинационалната програма Ф-35 во 2019 година откако го купи рускиот систем за воздушна одбрана С-400, за кој Вашингтон рече дека може да ги компромитира невидливите авиони.
Ердоган рече дека Египет би можел да се приклучи на договорот за одбрана што неодамна го потпишаа Турција, Саудиска Арабија и Пакистан, и дека други земји би можеле да се приклучат на него (види: Истокот се прераспоредува).

извор

Вучиќ за откажувањето на посетата на Марта Кос: Објаснувањето е кратко, ама глупо

4 септември 2026

Српскиот претседател Александар Вучиќ изјави дека очекувал европската комесарка за проширување Марта Кос да ја одложи посетата на Белград а нејзиното објаснување за одложувањето на посетата (начинот на кој е дочекано телото на Ратко Младиќ) е кратко и глупаво.
„Глорификација“ на генералот Ратко Младиќ, само што не кажува кој нешто славел. А кога не можат да најдат ништо конкретно, тогаш се занимаваат со подвозници, надвозници, веројатно треба да им забраниме на луѓето да се појавуваат, треба да забраниме погреби, треба да правиме гробишта за кучиња“, коментираше Вучиќ.
„Нема мене Марта Кос да ми држи лекции за тоа кој е злосторник и монструм“, порача тој.
„Величењето на Ратко Младиќ по неговата смрт е некомпатибилно со вредностите врз кои е изграден патот кон ЕУ. Тој пат бара соочување со минатото, вистинско помирување и почит кон жртвите на воените злосторства“, се вели во објавата на Кос за откажување на посетата на Србија.

извор

Кој го финансира геноцидот?

4 септември 2026

Активисти од група со истоимен назив од насловот искористиле дупка во вебсајт за да влезат во мрежа со детални податоци за произраелски пари во американската политика. Пред да биде затворена дупката, успеале да ја симнат целата база.
На списокот се 11.168 донатори, кои може да се пребаруваат по име и по нивниот работодавец.
Меѓу нив се 523 членови од Претставничкиот дом и од Сенатот, со износот на нивните донации, како и 165 кандидати за Конгресот.
Наведени се 105 комитети кои примале пари преку Democracy Engine - дигитална платформа за процесирање и рутирање политички донации.
Базата е објавена преку профили на Икс и на Инстаграм при крајот на август. Досега само еден портал објави вест за ова.

извор