- Поранешната специјална јавна обвинителка Катица Јанева, која издржуваше затворска казна, го напуштила КПД „Идризово“ откако добила условен отпуст.
- „Осуденичката Јанева доби условен отпуст и таа треба редовно да се јавува во Основниот кривичен суд Скопје додека 7-годишната казна целосно не ѝ истече“, изјавил директорот на затворот, Зоран Јовановски.
- Јанева беше осудена за злоупотреба на службената положба во предметот „Рекет“, заедно со Бојан Јовановски, кој доби подолга затворска казна за изнудување пари од бизнисменот Орце Камчев.
- Камчев во предметот „Империја“ призна вина и се спогоди, издржувајќи пократка затворска казна.
- Државата губи повеќе од 2 милиона евра годишно за хонорари на комисиите кои непотребно ги враќаат пациентите кои имаат траен инвалидитет за повторна евалуација.
- Праксата е толку бизарна што и луѓе со ампутирани екстремитети мора да дојдат на проценка два пати годишно, како во меѓувреме да може да им порасне ампутираната нога или рака.
- Слично е и со луѓе со мозочен удар, патрапелгичари, оние кои страдаат од мултипла склероза.... Ама важно комисиите добиваат хонорари.
- „По нашите првични анализи, негде 140 милиони денари (над 2 милиона евра – н. з.) државата троши дополнителни средства заради тоа што непотребно се враќаат пациентите за кои имаат траeн инвалидитет, а се враќаaт во здравствениот систем за на секои шест месеци или една година добијат решение за инвалидитет“, рекол министерот за здравство Азир Алиу.
- Бројот на луѓе што ја напуштаат Канада лани достигна рекордно високо ниво од 120.640, според најновите податоци на државната статистика.
- Најмногу, речиси една половина од емигрантите, се од провинцијата Онтарио, а значителен дел се иселиле и од Британска Колумбија и Алберта.
- Главните причини се трошоците за домување и економската неизвесност.
- За 9% се намалила и внатрешната миграција од една во друга провинција.
- Во исто време нагло (за 19%) се намали и бројот на доселеници во Канада, откако федералната влада драстично ги заостри ограничувањата за постојани и привремени жители и за визи за студирање.
