- Израелските одбранбени сили го одобриja „главниот концепт“ на контроверзниот план на владата на Бенјамин Нетанјаху за заземање и окупација на градот Газа. Врз основа на концептот Генералштабот ќе планира соодветни воени акции.
- Одлуката била донесена по средба на началникот на Генералштабот, Ејал Замир, со високи офицери од тајната полиција Шин Бет.
- Генералот Замир пред една недела остро се спротивстави на владиниот план за целосна окупација на Газа. Истакна дека тоа го зголемува ризикот за животите на израелските заложници на Хамас и предупреди дека војската е исцрпена за толку сложена операција. Тој предложи алтернативна стратегија за стегање на обрач околу преостанатите групи на Хамас во Газа.
- Владата го одби тој план. Министерот за одбрана Израел Кац го обвини генералот Замир дека прекршувал протоколи, унапредувал офицери и ангажирал советници без дозвола од Министерството.
- Денешното соопштение на ИДФ навестува дека спорот е надминат. Нападот врз квартот Зејтун во Газа што почна во вторникот се смета за подготовка за обемната офанзива на копнените сили, која треба да се спроведе до 7 октомври - втората годишнина од терористичкиот напад на Хамас врз Израел.
- Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
- Италијанското министерство за надворешни работи излезе со бројка од 40 загинати, но таа не е конечна.
- Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
