Вести › Набрзинка

Бугарска пропаганда во .мк руво

24 јули 2026

Повеќе интернет-портали и фејсбук-страници на македонски јазик кои се дизајнирани да наликуваат на медиумски редакции од земјава се, всушност, експозитури на бугарската Фондација „Македонија“ на контроверзниот Виктор Стојанов.
Речиси 140 илјади профили ги следат овие страници само на Фејсбук, пишува Александар Димитриевски на 360 степени.
Најголем дел од содржините пласирани во мрежата на портали и страници на социјалните медиуми се вообичаени, но дел се презентирани на начин што предизвикуваат жестоки дебати за односите меѓу Македонија и Бугарија, за односите меѓу Македонците и Албанците и слично.
На прашањата зошто овие портали не објавуваат импресум и издавач, како се финансираат со оглед на тоа дека немаат значајна комерцијална активност на веб-страниците на споменатите портали и која им е целта со објавата на содржини кои провоцираат говор на омраза на социјалните мрежи, Виктор Стојанов им одговорил: „Вие сте државен медиум на Република Северна Македонија, каде што до неодамна министерот и вицепремиер беше човекот на Путин во Скопје – Иван Стоилковиќ. На вас ли бе да даваме објаснувања? Ќе ве прогонуваме до крај. Чао.“

извор

САД испраќаат нов носач на авиони кон Блискиот Исток

14 август 2026

Носачот на авиони „Џорџ Вашингтон“ е на пат од Пацификот кон Блискиот Исток за да го замени „Абрахам Линколн“, чиј екипаж е исцрпен по повеќе од 250 дена поминати на море.
Роднини на морнари од „Линколн“ и анонимни извори деновиве објавија дека имало најмалку шест обиди за самоубиство на бродот поради менталната криза од долгата мисија. Еден морнар на 3 август „паднал“ во море, но бил спасен.
„Постојат бројни извештаи за недостиг на основни залихи, загадена вода, проблеми со водоводните и канализациските инсталации, влошено ментално здравје, загриженост за безбедноста на палубата и пречки во поштенскиот систем, поради што многу пакети за морнарите се губат во транспортот“, напиша сенаторот Ричард Блументал во протестно писмо до шефот на Пентагон, Пит Хегсет, и секретарот на Воената морнарица Хунг Цао.
Носачот „Џорџ Вашингтон“, чија матична база е во Јапонија, изминативе недели оперираше во Јужно Кинеското Море, а неодамна неодамна помина низ теснецот Малака, движејќи се кон запад во придружба на разурнувачи. Неговото преместување ќе отвори дупка во патролите на САД покрај пацифичките бази во Источна Азија.
„Поради војната со Иран, може да бидат потребни три години за флотата да се врати во состојба на подготвеност. Ако имате два или три носачи на секој брег на кои им е потребна поправка или одржување во различни фази, тие ќе мора да чекаат ред“, изјави поранешниот поморски офицер Брајан Кларк, аналитичар во Институтот „Хадсон“.

извор

Пронајден мртов директорот на Алсат

13 август 2026

Директорот на телевизијата „Алсат-М“, Лирим Хајредини, утрово е пронајден мртов во близина на трговскиот центар „Мавровка“.
Местото го обезбедува полиција, а телото ќе биде предадено на обдукција за да се утврдат околностите и причината за смртта.
Хајредини беше долгогодишен професионалец во медиумскиот сектор. Повеќе од 16 години ја извршуваше функцијата оперативен директор во „Алсат“ a во текот на својата кариера бил активен и во области поврзани со менаџментот, маркетингот, деловните стратегии и телевизиската продукција.
Некои медиуми шпекулираат дека се работи за самоубиство.
Се огласи и МВР, на телото имало повреди,