- Немаше аплауз после говорот на поранешниот словенечки претседател на конференцијата во Љубљана „Пријатели на Западен Балкан“ откако тој присутните ги олади со оценката дека ниту Европската унија ниту регионот ќе бидат подготвени за влегување и проширување до 2030 година.
- Државите од регионот нема да биде подготвени ни до 2050 година, ако вака продолжи, порача Борут Пахор.
- Говорејќи за застојот во дијалогот меѓу Белград и Приштина, Пахор се понуди како замена за Мирослав Лајчак како специјален пратеник на ЕУ и наведе дека дијалогот е закочен заради недостаток на доверба.
- Шефот на руската дипломатија Сергеј Лавров без да проговори збор испрати порака кои се очекувањата на Москва од самитот со Доналд Трамп.
- Лавров пристигна во Алјаска со џемпер на кој пишува СССР.
- Поранешните советски републики, вклучувајќи ги и трите што денес се членки на НАТО, тоа го толкуваат како отворена провокација и доказ дека Кремљ не го напуштил „советскиот империјалистички менталитет“.
- „Преговарачот што носи џемпер со СССР отворено порачува: Дајте ни само половина од Украина и ветуваме дека ќе запреме“, изјави поранешниот литвански министер Габриелиус Ландсбергис.
- Руски блогери веднаш го идентификуваа џемперот дека е од брендот „Селсовет“ од Челјабинск и дека чини 10.990 рубли (118 евра).
- Германија најави дека ќе купи американско оружје во вредност од 500 милиони долари за да ѝ го испорача како воена помош на Украина.
- Ова е во рамките на механизмот договорен во рамките на НАТО, наметнат од администрацијата на Доналд Трамп.
- Пакетот опфаќа оружје и воена опрема што не се произведува во Европа, пред сè системи за противвоздушна одбрана.
- „Не може да се заобиколи американската индустрија, бидејќи се исцрпени европските залихи и капацитетот за производство“, објаснува претставник на НАТО.
- Откако Трамп го предложи механизмот - Данска, Шведска и Норвешка заеднички купија американско оружје за Украина во вредност од половина милијарда долари. И Холандија најави трансфер на оружје за истата сума.
