Вести › Набрзинка

Блиските на осудените за 27-ми април: Не бараме милост, само шанса за фер судење

27 април 2023

Поминаа седум години, народот вели дека времето ги лечи раните, но, за нас, времето не само што не ги лечи раните, туку болките стануваат сè понеиздржливи. Неиздржлива е помислата дека тие се постари за седум години, нивните мали дечиња за седум години пораснаа и веќе се момчиња и девојки, им се родија внуци и пораснаа“.
Неподносливо е по седум години да слушаме како се манипулира со јавноста дека нашите најмили извршиле тероризам, ама не кажуваат дека сториле тероризам без оружје.
Не бараме амнестија, не бараме помилување, бараме шанса за да ја докажат својата невиност.

19 април 2025

Тоше Поп Симонов, еден од најважните луѓе на македонската музика, замина на 63 годишна возраст.
Тоше Поп Симонов беше музичар, композитор, инструменталист, продуцент, аранжер, текстописец... ренесансно комплетен лик во музиката.
Тоше Поп Симонов беше умен, писмен, начитан, мудар, добар, правичен, бескомпромисен во своите естетски и етички ставови и пресуди... ЗЕН мајстор во занаетот и живеењето.
Тоше Поп Симонов беше другар, пријател, ведар, урнебесно забавен, брилијантен раскажувач, драгоцен соговорник во секаков вид дружење.
Ќе ни фали многу. Многу.

19 април 2025

Три лица загинаа, а осум се повредени во сообраќајната несреќа синоќа на патниот правец Кичево-Гостивар.
Несреќата се случила во 20.55 часот близу местото Сеферов Бунар меѓу Кичево и селото Трапчин Дол. Се судриле три возила.
Според првичните информации три лица починале од повредите, а осум лица се повредени. Дел од нив се пренесуваат во болницата во Кичево, дел во Клинички центар Мајка Тереза во Скопје, изјави портпаролот на СВР Охрид, Стефан Димоски.