- „Моето семејство од Сплит го избркаа заради погрешно презиме“ вели во животната исповед за Јутарњи лист, Лилјана Николовска, Македонката (татко ѝ е од Битуше) од Сплит која пееше во некогаш популарната југословенска група Магазин.
- Во 1991 година на врата им затропала патрола, па потоа и црнокошулаши. После 22 години, го добиле случајот но ни извинување ни отштета за срамниот судски процес.
- „Во Америка имаш избор од 3.272 лути сосови во дуќан, ама немаш право на здрави заби“, вели денес 57 годишната пејачка која од 1995 година живее во Сан Педро, Калифорнија, се занимава со музика а волонтирала за Берни Сандерс.
- Управата за финансиска полиција поднесе кривична пријава против поранешниот генерален директор на АД „Пошта на Македонија“ поради сомнение за злоупотреба на службената положба и овластување.
- Се наведува дека тој не постапил согласно одлуките на Управниот одбор за исплата на обврски кон две правни лица. И покрај тоа што му биле доставени потребните документи за исплата, пријавениот не ја потпишал спогодбата за исплата на долгот, не ги потврдил фактурите и не ги потпишал налозите за плаќање.
- Со тоа оставил простор овие да поведат судски постапки кои ги добиле па штетата за Пошти на основ на исплата на затезни камати е речиси 11 милиони денари.
- Владата на САД би можела да блокира ботови со ВИ ако утврди закана дека може да предизвикаат смрт на повеќе од 50 луѓе или штета повисока од 1 милијарда долари.
- Ова е предлогот на Антропик во нацрт-закон за „безбедност“ на вештачката интелигенција, поднесен до Конгресот на САД.
- Сè што е подолу од овие граници би се толерирало како „разумна политика“.
- Проценетиот ризик од моделот со ВИ би морал да произлегува од дизајнирање или создавање на биолошко оружје, кибернетски напад или бегање на агент со ВИ од контрола на лабораторијата во која се развива.
- Ризикот би го проценувале „независни евалуатори“, регистрирани во Министерството за трговија, при што е оставена можноста за нивните услуги да плаќа лабораторијата во која вршат увид.
