- Деновиве е промовирана нова рубрика на официјалната веб страница на Белата куќа во која се критикуваат и каталогизираат медиумите за кои се тврди дека ги искривувале своите известувања.
- Слоганот на рубриката е „Заблудувачко. Пристрасно. Разоткриено.“
- За почеток, за „медиумски престапници на неделата“ се прозвани Бостон Глоуб, Си-Би-Ес њуз и Индипендент заради неточно толкување на реакциите на Трамп за шестемина демократски пратеници кои ги повикаа воените лица да не ги почитуваат нелегалните наредби.
- Имаат и своја верзија на „Стигнавме на дното“ која им се вика „Offender Hall of Shame” со статии од Вашингтон пост, CBS News, CNN и MSNBC (денес MS Now). Секоја статија е категоризирана во една од подрубриките: „пристрасно“, „непрофесионално“ или „левичарско лудило“.
- Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
- Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
- Делова играла во 60-тина претстави во Драмски театар, а глумеше и во над 30 филмови.
- Луѓето кои користеле канабис во која било фаза од својот живот имаат поголеми волумени во мозочните региони поврзани со меморијата, учењето и извршните функции.
- Користејќи податоци од над 25.000 луѓе на возраст меѓу 40 и 77 години, истражувачи откриле дека умерената употреба на канабис во текот на животот е во корелација со зголемување на големината на четири битни региони во мозокот - хипокампусот, амигдалата, каудатното јадро и и путаменот.
- Со оглед на тоа што овие мозочни региони се поврзани со клучни атрибути како што се емоциите, моторната контрола и меморијата, истражувачите решиле да истражат како употребата на канабис влијае врз когнитивната кондиција од средината на животот па понатаму.
- Испитувајќи податоци од 16.728 лица, уште еднаш потврдиле дека умерената употреба е поврзана со подобри перформанси во задачи што вклучуваат учење, брзина на обработка на податоци и краткорочна меморија.
- Неодамна во Македонија беа запленети 40 тони марихуана. Знаете ли колку мозочен волумен може да добие колективниот ум на Македонецот кој во свeтски споредби и онака кубури со IQ?
- Кажавме што имаме да кажеме.
