• Откако романското министество за транспорт сфати дека оригиналниот договор со Бехтел е многу неповолен за романската страна, во јуни - јули 2011-та се влегува во репреговарање на договорот.
• Бехтел се согласи да ја спушти цената на изградба за дури 50% и да гради за 6,9 милиони долари по километар.
• Беше решено и американската компанија да гради само два сегмента од целиот проект додека другите делници да одат на тендерски натпревар.

Романската епизода на Бехтел ја спомнавме и во статијата „Како Косово доби скап автопат кој не му треба?“:

„Сличен e случајот и со Романија каде во 2003 година беше постигнат директен договор за модернизирање на речиси непостоечки автопат, за цена од 2,7 милијарди долари. Проектот станува 10 годишна ноќна мора за обете страни; одложувања, спорови, меѓусебни обвинувања за уцени и корупција. Сув остаток: за добиени 64% од парите, Бехтел испорачал 12,5% од договорот“.