Вести › Набрзинка

Басара: Трактат за мономанијата

2 ноември 2024

Мономанијата е општествено најприфатливата душевна болест од која, по моја лаичка проценка, страдаат најмалку 80% од популацијата на Србија а која нанесува големи штети по српската историја и живот.
Еве што вика интернет: „Мономанијата е парцијално душевно пореметување обележано со една единствена работа или идејна содржина; тоа е болно истакнување на самиот себе како исклучителна личност или пак нагон за бесмислени дејствија. Надвор од таа фикс идеја, лицето зафатено со мономанија е совршено ментално здраво.
Ако во оваа дефиниција не препознавате некого од својата поблиска или подалечна околина, тоа значи дека самите сте мономан. Веројатноста е голема 8:2. Мономаните немаат поим дека се мономани.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор

Јанкуловски: Заев и неговите „државотворни„ треба да платат за предавството

26 ноември 2024

Ова нешто што се случи со Македонија во последните седум години никој не знае како да го нарече. Деспотизам? Мек државен удар? Хибриден режим? Политички абсурд? Се обидувам да најдам зборови за седумгодишното владеење на Заев и неговите „држалотворни“. И, само еден збор има моќ да го опише овој срамен период на нашата историја. Предавство.
Со неморални средства не може да постигнеш морална цел, како што замислуваа Заев и Димитров.
Време е да почнеме да размислуваме за наплата, зашто во контекст на овие политичари нема морален конфликт и дилема што казната ги создава кога треба да се оправда казнувањето на оние што згрешиле за да постапат правилно – зашто во нивниот случај постапиле срамно и неетички. Без ваква наплата нема да го прочистиме општеството од злото што му го нанесоа и ќе продолжиме да живееме во морално загадена Македонија од нивните политички акции. Во такво општество јас не сакам и не можам да живеам. А, вие?

извор