Вести › Набрзинка

Бај-бај Бајру

9 септември 2025

Францускиот парламент ѝ изгласа недоверба на владата поради плановите на премиерот Франсоа Бајру да го запре продлабочувањето на националниот долг.
„Имате моќ да ја турнете владата, но немате моќ да ја избришете реалноста. Реалноста ќе остане: трошоците ќе продолжат да растат, а товарот на долгот, веќе неподнослив, ќе станува се поголем и поскап“, предупреди Бајру.
Тој самиот побара гласање за доверба за неговата стратегија за намалување на буџетскиот дефицит што е двојно повисок од плафонот од 3% во рамките на ЕУ, и за намалување на националниот долг што достигна 114% од БДП. Бајру бараше буџетски кратења од 44 милијарди евра.
Бајру денеска ќе даде оставка, а претседателот Емануел Макрон ќе мора да го назначи и петтиот премиер за помалку од две години. Опозицијата бара од претседателот да го распушти парламентот и да распише вонредни парламентарни и претседателски избори. Редовните се во 2027 година.

извор

Флорида забрани социологија на државните универзитети

3 април 2026

Образовните власти во Флорида им забранија на јавните универзитети да вклучуваат курсеви по социологија, како дел од мерките на гувернерот Рон ДеСантис против актуелниот модел на образование во оваа федерална држава.
Потегот е реакција на гневот и отпорот од страна на професорите по социологија и синдикатите на факултетите во врска со новите учебници, опишани како „навреда на академската слобода“ и „осиромашена верзија на науката“.
Властите ја гледаат социологијата како научна маска зад која се кријат идеолошки и родови агенди. Еден од ректорите на јавен универзитет од Фллорида изјави: „Ние не ја убивме социологијата, таа изврши самоубиство.“

извор

Руски милијардер најде решение за економијата: да се работи 6 дена по 12 часа

2 април 2026

Додека земјата се справува со длабока економска промена, Русите треба да размислат да работат по 12 часа дневно, шест дена во неделата, предлага рускиот милијардер Олег Дерипаска.
Рускиот крал на алуминиумот смета дека рускиот народ треба да се потпре на својот главен национален ресурс - во тешки моменти да се здружи и да запне.
„Колку побрзо се префрлиме на ова ново работно време - од 8 часот наутро до 20 часот навечер, вклучувајќи ги и саботите - толку побрзо ќе ја завршиме неопходната трансформација“, напиша индустрискиот магнат.
Олег Дерипаска има 58 години, сопственик е на алуминиумскиот гигант “Русал” и неговото богатство пред инвазијата се проценуваше на 3,8 милијарди, подоцна падна на 1,7 милијарди милијарди долари. Кога беше најјак, имаше 28 милијарди.

извор