Вести › Набрзинка

Австралија го протера иранскиот амбасадор

26 август 2025

Австралија го обвини Иран дека стои зад најмалку два пожари во Сиднеј и Мелбурн организирани и предизвикани од антисемитски побуди и му даде седум дена на амбасадорот на Техеран да ја напушти земјата.
Премиерот Ентони Албанезе изјави дека австралиската безбедносно-разузнавачка агенција собрала доволно веродостојни разузнавачки информации дека Иран оркестрирал најмалку два напада во кои беа опожарени објекти на еврејската заедница во Австралија.
Иран го отфрли обвинувањето дека нивната влада стои зад антисемитските напади, наведувајќи дека таквите тврдења се дел од кампањата за „демонизација“ на Иран на меѓународната сцена. Jа критикуваа и одлуката на Австралија да го прогласи Исламскиот револуционерен гардиски корпус за терористичка организација.

26 август 2025

После 8 години соработка со Ројтерс, канадската фоторепортерка Валери Зинк даде отказ, оценуајќи го известувањето на агенцијата како предавство на новинарите. Таа ја обвини агенцијата дека го оправдува и го овозможува убиството на 245 новинари во Газа.
Зинк го критикуваше известувањето на Ројтерс по убиството на Анас Ал-Шариф (овде) и екипатa на Ал Џезира во Газа, обвинувајќи ја агенцијата дека ги проммовира „целосно неоснованите тврдења“ на Израел дека Ал-Шариф бил член на Хамас, што „е една од безбројните лаги што медиумите како Ројтерс ревносно ги повторуваат и ги легитимираат“.
„Ја ценам работата во Ројтерс во изминатите 8 години, но во овој момент не можам да замислам да го носам овој новинарски акредитив со ништо друго освен со длабок срам и тага“, рече таа.

26 август 2025

Солунскиот таксист Грегори Сахинидис во 1981 година купува половен Мерцедес од Германија, произведен 1976 година, со веќе поминати 230.000 километри.
Следните 23 години го користи како такси возило, не само по Солун туку и во Македонија, Босна, Бугарија, Турција, Германија... Само во Бугарија бил преку 90 пати.
Кога тој и колата заминуваат во пензија во 2004 година, „маратонецот“ имал поминато рекордни 4,6 милиони километри, еквивалентно на 115 возења околу светот.
Истата година, компанијата Мерцедес му нуди да го донира своето возило во нивниот музеј во Штутгарт, за што го наградуваат со нов Мерцедес од Е-класа.