- Технолошките стручњаци се согласуваат: апликацијата на Фејсбук е онаа која треба да престане да се користи, пренесува хрватски Индекс од Јаху.
- Главната причина е што Фејсбук собира премногу податоци за оние кои ја користат неговата апликација, од тоа кои страници ги посетуваат, до тоа кои објави привлекуваат најголемо внимание кај нивните пријатели.
- Таквите податоци лесно можат да завршат за маркетинг таргетирање или на самиот Фејсбук или на трета страна, што веќе се има случено, како во познатиот случај со Кембриџ аналитика.
- Полската европратеничка Ева Зајачковска-Херник ја нападна одлуката на Зеленски да ја рехабилитира паравоената организација УПА која во времето на Втората светска војна соработуваше со нацистичките СС единици.
- Зеленски најави дека една воена единица ќе го носи името „Хероите на УПА“. Украинците ја сметаат Украинската бунтовничка армија за симбол на отпорот против Москва. Во Полска е омразена поради учеството во масакрот врз околу 100.000 Полјаци кон крајот на Втората светска војна - чин што се смета за геноцид.
- „Кога Германците би именувале воена единица ‘Херои на СС’ и би подигнале споменици на Хитлер, Химлер, Гебелс и Ајхман, дали би ги поканиле во ЕУ? Не. Би ги нарекле неонацисти – и тоа со право... Нема морална разлика меѓу величањето на СС и на УПА, бидејќи двете организации биле втемелени врз ист култ на моќ и етничка омраза“, изјави Зајачковска-Херник.
- „Маршот на Украина кон Европа под знамињата на геноцидот е срам. Како Полјаци, никогаш не требаше да се согласиме Украина да влезе во Европа“, додаде европратеничката и на крајот од обраќањето го искина црвено-црното знаме на УПА.
- Поради обидите за рехабилитирање на УПА, полскиот претседател Карол Навроцки неодамна му го одзеде на Зеленски највисокото државно одликување - „Орденот на Белиот орел“.
- Европскиот парламент ја реактивираше за уште две години мерката Chat Control 1.0, која им дозволува на онлајн платформите доброволно да вршат надзор врз приватни пораки за да откриваат материјали за сексуална злоупотреба на деца.
- Иако противниците на мерката ги надгласаа поддржувачите со 314-276 не беше достигнато потребното мнозинство од 361 глас за блокирање на иницијативата. За трикот со гласањето пишувавме тука.
- Предлагачите на мерката тврдат дека контролата на комуникациите е на доброволна основа, не ја нарушува енкрипцијата и не им дава на владите директен пристап до пораките.
- Критичарите предупредуваат дека заштитата на децата се користи како оправдување за масовен надзор на приватните пораки на милиони граѓани, кои не се осомничени за ништо.
