- OpenAI ѝ предложи на администрацијата на Трамп да и подари 5% од своите акции. Веќе се водат преговори за префрлање на средствата во суверен фонд, од кој би се исплаќале дивиденди на владините институции и на граѓаните.
- Директорот Сем Алтман тоа го спакува како „споделување на придобивките од ВИ со јавноста“, но повеќе се смета како обид да се ослободи од притисоците од регулативните тела и да се добие наклонетост од администрацијата на Доналд Трамп. Претседателот неодамна јавно го критикуваше директорот на Интел, но омекна откако компанијата ѝ предаде на владата 10% од своите акции.
- Спроти очекуваното настапување на берзите, вредноста на OpenAI е проценета на 852 милијарди долари. Тоа значи дека Алтман ѝ отстапува на владата акции од близу 42,6 милијарди долари.
- Моделот за владино учество, за кој веќе се преговара, би требало да биде проширен и со другите лаборатории што развиваат вештачка интелигенција, но тоа нема да им биде наметнато на сила.
- Антропик мораше да целосно да ги повлече своите најнапредни модели Mythos и Fable откако администрацијата на Трамп ги оцени како потенцијален безбедносен ризик и наложи дека не смее да им се дозволи пристап на странски државјани до моделите. Привремено беше блокиран и нов модел на OpenAI.
- Американските власти почнаа повторно да го користат правото на „принуден откуп“ на приватни имоти за да овозможат изградба на огромните центри за податоци од кои се напојува вештачката интелигенција.
- Анкети покажуваат дека дури 70% од Американците не сакаат близу нивните домови да се градат огромни погони, кои трошат струја и вода како цели градови, и затоа одбиваат да им продадат свој имот на технолошките гиганти и енергетските компании кои спроведуваат далноводи и поставуваат трансформатори.
- Владата им е последната можност на инвеститорите да обезбедат локации за изградба, бидејќи може да ги прогласи центрите за критична инфраструктура - слично како и силосите за проектили од времето на Студената војна, и да го искористи своето право на принуден откуп на имот за јавни цели.
- Петтиот амандман на Уставот бара од владата да му обезбеди на сопственикот на земјиштето „праведен надомест“, кој генерално се заснова на фер пазарната вредност на сличен имот во локалната област.
- Во 2024 година, центрите за податоци учествуваа со приближно 10–20% во потрошувачката на електрична енергија во САД, а оттогаш тој процент е значително зголемен. Гигацентарот Хиперион на компанијата Мета во Луизијана, на пример, ќе троши три пати повеќе енергија отколку целиот Њу Орлеанс.
- Аналитичари од ЦИА оцениле дека тактиката на претседателот Трамп да ги засили бомбардирањата врз Иран нема да го скрши отпорот на раководството во Техеран и нема да го принуди да ги повлече своите цврсти позиции на евентуалните преговори.
- „Иранската влада има еден главен приоритет, а тоа е сопствениот опстанок, и докажа дека е подготвена да прифати огромна казна за да се заштити. Овој режим е изграден за да издржи воен притисок, кој би скршил власт во секоја нормална држава“, се предупредува во разузнавачки извештај што протече до јавноста преку Вашингтон пост.
- Аналитичарите заклучиле дека САД и Иран засега се заглавени во бескраен циклус помеѓу напади и примирја. Бомбардирањето не води до политичка предност. Понатамошна ескалација, како копнена инвазија, е опција која е длабоко непопуларна за Американците затоа што ризикува многу повеќе американски жртви, а нема гаранции дека би била успешна.
- Новиот разузнавачки извештај е изготвен главно од офицери на ЦИА. Проценките не се конкретни предвидувања за иднината, туку пресек на тековните и веројатните идни трендови, врз основа на сите достапни разузнавачки податоци и материјали.
- Заклучокот од претходната проценка во мај беше дека Иран може да издржи поморска блокада од САД најмалку три до четири месеци пред да се соочи со посериозни економски тешкотии.
