- Техеран побарал од бунтовничките хути во Јемен да бидат спремни да го блокираат протекот Баб-ел-Мандеб, ако САД ги интензивираат нападите врз Иран со бомбардирање енергетски централи и мостови.
- Проиранските бунтовници веќе распоредиле ракети и дронови на висорамнините кон протокот што ги поврзува Црвено Море и Аденскиот Залив. Воспоставиле контакти со милитантната група Ал Шабаб во Сомалија за да ги контролираат двата брега.
- На најтесното место, Баб-ел-Мандет е широк 26 километри. За споредба, Ормускиот проток е широк 39 километри. Двете тесни грла никогаш не биле блокирани во исто време. При таква состојба се прекинува скратениот морскиот пат од Азија до Медитеранот преку Суецкиот канал. Бродовите мора да пловат околу Африка, што го продолжува транспортот за две недели.
- Целосно би бил отсечен транспортот на саудиска нафта за пазарите во Азија. Низ Баб-ел-Мандеб поминува 10% до 12% од глобалната трговија со бродови, не само на нафтата.
- Саудиска Арабија во понеделникот веќе отвори нов фронт во Јемен – ја ракетираше пистата на аеродромот во главниот град Сана, за да спречи слетување на ирански авион. Хутите возвратија со ракети кон Саудиска Арабија. Двете земји водеа десетгодишна војна, во која загинаа 377.000 луѓе, но главно го почитуваат примирјето склучено во март 2022 година.
- Саудискиот фонд за јавни инвестиции што за 55 милијарди долари ја купија најпознатата компанија за видео-игри Electronic Arts (EA), креаторот на популарните игри Fifa, The Sims и Mass Effect. Во групата инвеститори е и Affinity Partners на Џаред Кушнер - зетот на претседателот Доналд Трамп.
- EA ќе биде трансформирана во приватна компанија. Инвеститорите ќе ги откупат сите акции од слободно тргување и компанијата повеќе нема да биде присутна на берзата.
- Ова е еден од најголемите откупи на компании со позајмен капитал. Саудискиот фонд вложува 36 милијарди долари, а 20 милијарди за трансакцијата позајми инвестициската банка JPMorgan. Аналитичари од Bloomberg предупредуваат дека отплатата на долгот може да резултира со масовни отпуштања, поагресивна монетизација и други мерки за намалување на трошоците во една од најголемите компании во индустријата за видео-игри.
- EA лани оствари приход од 7,5 милијарди долари. Во октомври за три дена продаде рекордни 7 милиони примероци од играта Battlefield 6, но и покрај тоа отпушти вработени вклучени во развојот на новото издание од серијалот.
- Кина одобри изградба на уште осум нуклеарни реактори, со чие врзување во мрежата ќе ја надмине Франција во капацитетот да генерира струја од нуклеарни извори.
- Инсталираниот капацитет за производство на нуклеарна енергија во Кина сега изнесува 63,98 гигавати со што за првпат го надминува капацитетот на Франција од 63 гигавати. САД се убедливо на првото место со 96,9 гигавати струја произведени од нуклеарни централи, според податоци од Светската нуклеарна асоцијација.
- Одобрени се три пара реактори од типот „Хуалонг“ капацитет од 1 гигават во постоечки централи, како и два од типот „Гуохе“ со капацитет од 1,4 гигавати во новата централа Лаијанг.
- Пекинг има долгорочна стратегија за проширување на производството на нуклеарна енергија заради зајакнување на енергетската безбедност, намалување на зависноста од фосилни горива и декарбонизација на индустријата.
