Вести › Набрзинка

Ахмети со калаши и динамит стана владетел а Македонија се чуди на петардите на внук му

31 декември 2023

Речиси 750 пиротехнички средства биле пронајдени во автомобилот на Дрин Ахмети, внук на претседателот на ДУИ, Али Ахмети.
Кај скопско Кале, на улицата Самуилова во Скопје било запрено патничко моторно возило од марката „ренџ ровер“ со албански регистерски таблички кое го управувал 25 годишниот Дрин Ахмети од кичевското село Зајас. Багажникот бил полн со пиротехнички средства.
Внукот на Али Ахмети денеска прославува три години во „Тхор индустрис“, фирмата која го купи трговскиот центар „Соравија“ во центарот на Скопје, купопродажба проследена со низа контроверзи и неодговорени прашања.
Младиот бизнисмен го фаќа член 396 од Кривичниот законик за недозволено изработување, држење и тргување со оружје или распрснувачки материја. „Доколку Спасовски не нареди полицацот кој го уапси да се удри во пајак,“ забележува Антонио Милошоски.

извор

Иран? Не се знае

11 јануари 2026

Иранците се наоѓаат меѓу две опции: да бидат охрабрени од заканите на Трамп кон официјален Техеран дека ќе интервенира тргне со масовна пресметка со демонстрантите или да бидат обесхрабрени од заканите на главниот обвинител дека учесниците во протестите ќе се сметаат за „непријатели на бога“, дело што повлекува смртна казна.

Оние првите протестираат веќе две недели, западни извори тврдат сè помасовно. Растат и насилствата. Се јавува за преку 160 мртви, беа запалени објекти и по некоја џамија во Техеран и другите поголеми градови.
Реза Пахлави од безбедна далечина од предградие на Вашингтон побара демонстрантите да ги заземат градските центри а тој се подготвувал за враќање во земјата.
Екс оперативец на ЦИА за Иран тврди дека ајатолахот има најмногу недела-две додека теократсккот режим се сруши.
Техеран го исклучи интернетот толку прецизно и систематски што ни сателитскиот Старлинк на Илон Маск засега не помага.
Најбитното на крај: Урсула фон дер Лајен на демонстрантите им порача дека „ЕУ стои со нив“.

извор

Франција го одложила Г7 за да не му го расипе роденденот на Трамп

10 јануари 2026

Првично закажан за 14 и 15 јуни, самитот на Г7 во Франција е одложен бидејќи американскиот претседател во тој период организира ММА борби за својот 80-ти роденден.
Тепачките ќе бидат организирани на 14 јуни во Белата куќа која очекува околу 5.000 гости.
Паралелно, се споменува и воена парада со 150 оклопни возила, 50 авиони, тенкови Абрамс и Бредли, со трошоци од 25-50 милиони долари.
Поради овие битности, Г7 ќе состанчат од 15 до 17 јуни во местото Евиан, близу границата со Швајцарија.
Белата куќа ја поздрави одлуката на францускиот претседател кој „љубезно ги промени датумите за да се прилагоди на распоредот на колегата.“
Членките на Групата на седумте се САД, Канада, Франција, Германија, Италија, Јапонија и Велика Британија. Нагалено се викаат „лидери на слободниот свет.“

извор