Вкупно 80 илјади евра планира да потроши Генералниот секретаријат на Владата за да ги носи своите административци на тридневни тим-билдинзи во Охрид, Берово и Струмица.
Се бараат хотели со минимум четири ѕвездички, два полни пансиона за вработените, високотуристички автобуси за превоз од „Илинденска“ до хотелите а собите да бидат еднокреветни.
За јакнење на тимскиот дух планирани се седум групи административци од владиниот генерален секретаријат (канцелариско работење, односи со јавноста и друго).
Европската Унија има механизми со кои може да возврати на САД за новите царини, изјави францускиот министер за трговија Никола Форисие по одлуката на американскиот претседател Доналд Трамп да воведе дополнителна царина од 15 проценти за целиот увоз.
Париз веќе дискутира за тоа со другите членки на ЕУ и Европската комисија и повика на унифициран пристап.
Меѓу можните одговори се спомнува и тн „трговска базука“, инструмент кој овозможува широк спектар на мерки, од контрола на извозот и царини за услуги до исклучување на американските компании од јавните тендери на ЕУ.
Во оптек е и суспендираниот пакет контрамерки, вклучувајќи царини за американски стоки во вредност од над 90 милијарди евра.
„Не сакаме да бидеме зависни, не сакаме да бидеме заложници“, порача Форисие кој проценува дека заканите на Трамп дополнително придонеле кон единство на Унијата.
Њујоршкиот могул за недвижнини, Лари Силверстин (94), потпишува договор за изнајмување и осигурување на кулите од Светскиот трговски центар во јули 2001-ва.
Договорот е со важење од 99 години и го кошта 3,2 милијарди долари.
Само шест недели по потпишувањето, се случува оној терористички напад во кој кулите страдаат до темел.
Осигурувањето му исплаќа на Силверстин 4,55 милијарди долари.
