Барселона го доби Загреб на гости 29:31 и има 5 од 5 во ЛШ. Ветеранот Тимур Дибиров кој уште не се дава и на 41 година, остана на само 2 гола бидејќи се соочи со Емил Нилсен, еден од најдобрите голмани во светот. Инаку за Нилсен, кој е светски и олимписки првак со Данска, се зборува дека добил понуда за нов договор во Барселона, со што би станал најплатен заедно со Дика Мем, а истовремено го бараат и во Веспрем.

Океј, во фудбалот се забега со парите, ама ова што го најдовме за ракометот е смешно. Сметка за струја не може да плати човек со парите од ЕХФ, барем што се однесува до премијата за освоен бод.

Еурофарм Пелистер го сруши проклетството во Лига на шампиони и тоа на неверојатен начин. Губеше со 3 гола разлика на нешто повеќе од 1 минута до крајот.

По пауза од две години, Вардар се врати на меѓународна сцена и во првото коло од Европската лига го совлада Валур од Исланд со 33:26. Момците на Владо Недановски одиграа одличен натпревар, а една од акциите се најде во фокусот на ЕХФ.

Европската куќа на ракометот не штедеше зборови за чудесните вртелешки на еден од најопасните ракометари во светот во овој момент, како и двократен светски и олимписки првак со Данска. Потезиве му се нестварни.

Мирза Џомба, кој важи за икона на хрватскиот ракомет пристигна во Скопје. Повод му е интервју со Кире Лазаров во емисијата (Не)успех првака, а беше гостин и на тренингот на Алкалоид. Инаку Џомба и Лазаров играа заедно во Загреб и Веспрем и тој беше дел од златната генерација предводена од Лино Червар која стана светски и олимписки првак во 2003-та и 2004-та. Гоце Георгиевски по него го носи прекарот Џомба.

Двократниот европски првак со Вардар едноставно не старее. Вода стои, Тимур не стои. Погледнете со каква вртенка го излуди голманот на Колштад на гостувањето на Загреб во Лига на шампиони. Мечот го заврши со 7 од 10. Мајсториште.

ЕХФ ја спакува листата на 5 најатрактивни погодоци од 2. коло во ЛШ. Две се од салата Боро Чурлевски. Шраубата на Усам Хосни од Еурофарм Пелистер е на позицијата број 4, а второто место е на Матијас Гидсел од Фуксе Берлин, кој се крена високо и испука прекрасен проектил.

Гиорги Цковребадзе (Giorgi Tskhovrebadze) не дека е ракометен џин, има 194 см, туку фората е во неговиот мега одраз со кој главите на противниците му доаѓаат до пупак. Игра за Гумерзбах од Германија, а член е на селекцијата на Грузија. Има 23 години и е десен бек со кој тешко се излегува на крај.

На стартот на новата сезона од елитната Лига на шампиони, ракометарите на Пелистер одиграа супер дуел против гигантот ПСЖ и загубија само два разлика 31-29. Пелистерци беа на праг на сензација со моќниот париски клуб и за разлика од претходната сезона кога беа вреќа за удирање и убедливo најслаб тим, сега најавија подобри игри во продолжение од сезоната. Филип Кузмановски беше најефикасен играч кај Битолчани со осум гола од кои еден беше права бомба. Следната недела, поточно во среда во Битола доаѓа германски Фуксе пред полни трибини во „Боро Чурлевски“.

Алкалоид како победник на Купот на Македонија го совлада шампионот Еурофарм Пелистер со 33:30 во финалето од Суперкупот и го смести вториот трофеј во својата витрина. Филип Кузмановски после црвен доби и син картон, инаку воведен пред 9 години. Освен исклучување, тоа значи дека ќе добие и дополнителна суспензија поради груб прекршок.

Во четвртфиналето од ракометниот турнир на Олимписките Игри се случи драма каква што не се памети во историјата на овој спорт. Германија го совлада фаворизираниот домаќин Франција 35:34 после продолженијата до кои стигна на апсолутно луд начин.

Селекцијата на Норвешка има 3 од 3 на Олимписките игри и сигурен пласман во четвртфинале. Во третото коло ја добија Унгарија со инфаркт завршница. На 10 секунди до крај при резултатот 25:25, Унгарците промашија зицер за победа, а голманот Бергеруд после фантастичната одбрана успеа да организира екстра брза контра, која Александер Блонц ја круниса со гол за победа во последна секунда.

Македонската ракометна репрезентација до 20 години одигра Европско за паметење со само еден пораз и заврши на одличната 9-та позиција на континенталниот собир. На последниот меч, голманот на Алкалоид Иван Галевски им фати пенал за Французите во финишот од мечот за голема победа од 30:29 по што настана делирум меѓу избраниците на Раде Стојановиќ.

Пет одиграни натпревари, ниту еден пораз за избраниците на Раде Стојановиќ кои на ЕП за играчи до 20 години ја совладаа Романија со 31:26. Нашиот национален тим влезе во втората фаза на првенството во Словенија, каде разигрува за пласман од 9-та до 16-та позиција, откако немаше среќа да се пласира во топ 8. Уживајте во прекрасниот погодок.

Младата ракометна репрезентација на Македонија освои важен бод против Хрватска на ЕП за играчи до 20 години, откако успеа да се врати по 7 гола негатива. ЕХФ имаше што да издвои од нашиот табор, а тоа е одличната интервенција на Давид Брестовац.

Младинската ракометна репрезентација на Македонија ја победи Црна Гора во првото коло на ЕП за ракометари до 20 години. Потоа со неверојатна серија им анулираа -7 на Хрватите и стигнаа до голем бод со што останаа во игра за прво место. Третиот меч го играат во сабота против Австрија. Уште од млади химната ја пејат достојно и емотивно.

Во баражот за опстанок, односно пласман во ракометната Супер лига се случи драма во стилот на Шведска - Франција на последното ЕП. На мечот меѓу Радовиш - Еуфорам Пелистер 2 при резултат 26:26 остана уште слободен удар по кој сите очекуваа да има пенали. Но Здравко Постолов не мислеше така и ја крена цела сала на нозе.

Со сигурност едно од најголемите спортски чуда во историјата на македонскиот спорт. Вардар на денешен ден пред 7 години стигна на големиот Фајнал Фор во Лига на шампиони, триумфираше во полуфинале и влезе во големото финале. Таму за ривал го имаа моќниот ПСЖ. На крајот црвено-црните победија со гол на Иван Чупиќ во последните секунди од мечот. Триумфот на големо се славеше во Скопје и други македонски градови. Прва европска титула за Вардар а потоа сензационално следуваше и друга.

Битолчани ја одбранија титулата во мак ракометот и стигнаа до број 8 од осамостојувањето на Македонија. Специјализираниот сајт за овој спорт, 24ракомет склопиле убаво видео од прославата со песната која грмеше на сите натпревари сезонава во салата Боро Чурлевски.

Со триумф 32-28 над Алкалоид во последното коло, Пелистер пред своја публика ја освои 8. шампионска титула во својата клупска историја. Бодрени од полна сала „Чкембари“, Пелистерци одиграа онолку колку што требаше за победа и печат на шампионската титула која се славела долго во ноќта во Битола.

Македонската ракометна репрезентација ги доби противниците за Светското првенство 2025, на кое домаќини ќе бидат Данска, Норвешка и Хрватска.

26 годишниот Дмитро Горига е новото име на РК Вардар за следната сезона, кој ќе игра на позицијата лев бек. Пристигнува од Катар, а има играно и во Франција, Полска и Украина. Погледнете ја оваа бомба со моќен удар против Хрватска на Европското 2022.

Легендарното хрватско крило по крајот на оваа сезона заминува во пензија на 38 години. Најубавите спомени од кариерата му се врзани за Вардар со кој освои вкупно 15 трофеи за 5 години од кои две европски титули. Датумот 4 јуни 2017-та нема никогаш да му се избрише од меморија. На финалето против ПСЖ во Келн при резултат 23:23, останаа уште 7 секунди до крај. Чупиќ ја прими и испиша нова историја за македонскиот ракомет и спорт воопшто.