За време на паузите во кошарка обично се плакнат очи бидејќи на сцена стапуваат чирлидерките, а во фудбал клубовите немаат пракса да организираат некаква забава за публиката. Русите се обиделе да направат нешто, ама не мора да го поноват.

Никој не е рамнодушен на овие снимки, а најболно е за Бразилците од малиот град Шапеко кои синоќа плачеа и пееја во чест на нивните миленици. Тоа создаде дополнителен наплив на емоции кај 11-те членови на клубот кои не беа дел од авионската несреќа и кои очајно чекореа на теренот каде нема повеќе да играат со своите колеги.

Само што помина време од Европското летово и го подзаборавивме неговиот смешен пенал со цупкање пред да шутира, Симоне Ѕаѕа синоќа против Манчестер Јунајтед во Купот направи ново „ремек-дело“.

Синоќешното финале на Копа Судамерикана не се одигра, но тимот на Атлетико Национал се појави и во голем стил им оддаде почит на трагично загинатите фудбалери на Шапекоенсе. Огромна почит и жал покажаа и домашните навивачи кои го наполнија стадионот. Се пееше ' Vamos Vamos Chape '' и сега завршниот збор околу доделување на трофејот го има организаторот на Купот. Колумбијците бараат да оди кај Шапекоенсе.

Ако сакате да бркате повеќе голови кај некој тим во кладилница, дефинитивно најдобар избор ви е Монако кој во просек дава по 3. Челси, Лајпциг, Јувентус и Реал Мадрид кои се лидери во другите првенства не се ни блиску до толкава ефикасност.

На мечот Барока - Пајртс во првенството на Јужна Африка, домашниот голман Оскарин Масулуке направи тотално неочекуван потег за големо славје на цел стадион.

Ростов го шокираше Баерн Минхен со 3:2 во Лига на шампиони, момент што ќе го паметат, ама од меморија нема да им избледе ниту Кисамба Лунгу кој со оваа мајсторија му донесе триумф на Урал на мечот против Ростов.

Ако од 1992-та до 2000-та број 1 во Англија беше Алан Ширер, од 1999-та до 2008-ма тронот не го даваше Тјери Анри. Интересна табела исклучиво со голгетеришта на која во моментов владее Серхио Агуеро.

Снимките се од 14 мај 2000-та кога Јувентус загуби од Перуџа, а Лацио славеше против Реџина за прослава на титулата од епски размери во Рим со оглед на тоа што Јуве имаше +9 на неколку кола пред крај. Чилеански новинар успеал да направи историски снимки по последниот свиреж на судијата кои не сме ги виделе до сега.

Во очекување на официјалните причини за авионската несреќа во која загинаа 19 фудбалери од бразилскиот клуб Шапекоенсе, се наведуваат две претпоставки: Проблеми со електрониката или недостаток на гориво. Фудбалер на Атлетико Национал се плашел кога летал со тој авион.

Да ги прашаш што сакаа да направат, ако знаат да ти кажат...

Еден од најдобрите фудбалери во историјата на Премиер лигата, Рајан Гигс денес полни 43 години. За него генерално се знае речиси сè, освен неколку факти.

Многу поранешни фудбалери кога ќе станат тренери знаат да речат дека е потешко да гледаш отколку да играш. Џовани Трапатони беше темперамент кој мислиш дека ќе влета во игра во секое време. Липи на времето со пурата стоеше како кип, а од место не мрдаше ниту Свен Горан Ериксон. Конте е Мурињо втор дел, па и бетер. Го снимиле во финишот од дербито Челси - Тотенхем.

Фудбалскиот свет е во шок. Пораките за изразување сочуство одат во Бразил кај семејствата на играчите на бразилскиот прволигаш. Според последните информации еден од четворицата фудбалери кои ја преживеаа авионската несреќа починал во болница. 

Шапекоензе е клуб којшто неверојатно напредувал во последните седум години и од бразилската четврта лига стигнал до финалето на едно од најголемите натпреварувања во светот на фудбалот, Копа Судамерикана. За жал, бајката на оваа симпатична екипа заврши трагично.

Шапекоензе на 23 ноември испиша фудбалска историја откако во двомеч го мина Сан Лоренцо и за прв пат се пласираше во финалето на Копа Судамерикана (пандан на Лига Европа). Дома одигра 0:0, а на гости 1:1. Немаат титула во бразилската прва лига каде се пласираа во 2014-та, по пауза од 35 години.

Авион со 81 патник и членови на посадата којшто патувал од Боливија кон Колумбија се срушил близу Меделин. Во авионот бил бразилскиот прволигаш Шапекоензе кој патувал на финале од Копа Судамерикана. Пет преживеани.

По потрага по барем близу достојна замена за незаменливиот Фергусон, кој се препотува од мака кога ги гледа од вип ложата, Црвените ѓаволи по Мојс и Ван Гал, беше сосема логично спасот да го бараат во Жозе Мурињо. Но не оди и не оди.

Во големата петорка на европскиот фудбал (Англија, Шпанија, Франција, Германија и Италија) Македонија има тројца претставници и сите играат во Серија А. Имаме 29 фудбалери ширум Европа. Бразил е прв по извоз.

Џовани Симеоне (21) во неделата беше играч на натпреварот Џенова - Јувентус кој заврши 3:1. Таткото на Џовани, Диего Симеоне на 1.април 2000-та година со гол со глава му донесе победа на Лацио против Јуве на „Деле Алпи“, а подоцна Лацијалите ја освоија титулата.

Роден на 15. декември 1996 година, младиот Украинец Олександр Зинченко беше член на Шахтјор Донецк, а потоа замина во рускиот тим Уфа. Во јули годинава Сити го купи и во август го позајми во ПСВ Ајндховен каде Украинецот потсеќа на Меси.

Во страшниот воен виор, оној религискиот, во Нигерија секојдневно гинеле многу христијани и муслимани меѓу кои и родителите на Виктор Мозес. Тие биле убиени кога нивниот син имал само 11 години.

Голот на Меси синоќа во второто полувреме ја спаси Барселона од нов пораз во Сан Себастијан, место каде Каталонците не знаат за триумф повеќе од една деценија.

Аласан Плеа е стрелец број 1 во Ница со 8 голови, два повеќе од Балотели. Тој погоди и синоќа против Бастија, но проблемот е што гостите во второ полувреме израмнија, а 23 годишниот француски напаѓач не смееше да си дозволи вакво нешто на три минути до крај. Монако и ПСЖ сега им дојдоа на -1.