Германската фудбалска федерација повеќе од една деценија успешно го води програмот за развој на младите таленти од каде репрезентацијата црпи играчи кои на земјата ѝ носат само и само успеси.

Кога знаеш дека си најтрофеен шкотски клуб со 54 титули, 33 Купови и 27 Лига Купови, а те елиминирал некој со постигнат еден гол на меѓународна сцена во историјата, треба да се појавиш пред јавноста со црвенило на образите кое не се брише.

По три сезони во Баер Леверкузен, Хакан Чалханоглу потпиша 4 годишен договор со Милан. Ова видео никако да не им се служи на италијанските коментатори за тоа како треба да го изговараат презимено на 23 годишниот турски репрезентативец. Уште малце ќе кажеше Шалалалала.

Во интервју за познатиот бразилски новинар Лучано Хак, Нејмар со пар реченици раскажува неколку куриозитети од кариерата и животот и го објаснува првото чувство кога влегол во соблекувалната на Камп Ноу кај своите идоли.

Ги читаш во себе четворицата од одбрана и веќе сфаќаш дека тимов е непобедлив. Па таму топка не проаѓа, а не па човек. За сите обожаватели на ретро фудбалот се навраќаме на најдобрите 11 играчи (играчишта) прогласени на Европското првенство во Белгија и Холандија

Сириецот Мотаз Салани кој во 2014-та играше за Ал-Ведат од Јордан, на мечот против Ал-Рамта го постигна најлудиот гол “шкорпион“ на сите времиња. Го прогласија за гол на годината.

Трансфер пазарот знае да биде полн со изненадувања, а последното ни го носи еден фудбалер - авантурист во душа, истовремено и Диџеј на кој можеби некој од вас ќе оди летово, бидејќи ќе пушта музика на Егзит.

Сме виделе и порано, а Купот на Конфедерации во Русија нè увери дека Јужно-американците играат со посебна страст кога ќе го облечат дресот со грбот на својата земја. Чилеанците гризеа како да е „Суден ден“ а човекот што направи кикс зборуваше за најголемата болка во животот.

УЕФА нема сместено ниту еден гол на нашите во најтесниот избор, ама затоа 4 од 10 се постигнати токму против Македонија. Избраниците на Боби Милевски одиграа отворено и машки против Шпанија, но примија јаки голчишта.

Неизвесноста и возбудата со Италијанците во нокаут фаза е посебна. Некои не ги сакаат бидејќи многу се бранеле и и играле на резултат, ама тој резултат им донесе четири светски титули. На СП 2006, драмата со нив беше антологиска.

По две децении во Челси, легендарниот англиски дефанзивец од следна сезона ќе го гледаме во дресот на Астон Вила каде ќе игра за 60.000 фунти неделно. Англискиот второлигаш топ трансферот го најави на „WhatsApp“, а во чатот учествуваа претседателот на клубот Тони Ксиа, тренерот Стив Брус, дел од играчите и самиот Тери.

Во очекување на некој хит трансфер за ова лето, одиме со оние кои ќе беа или звучат најапсурдни. Каде ли ќе беше сега Меси и дали ќе беше тоа што е сега, ако во 2002-ра година потпишеше за Комо? Истото важи и за другите.

Кметот на градчето Крџали во Јужна Бугарија заедно со месниот свештеник Петар Гарена и поранешниот главен муфтија Фикри Сали го означиле стартот на првиот тренинг на третолигашот ФК Арда Крџали.

Ако сте одморале малку од фудбал изминатиот месец или пак сте акале по одмори вон сезона, фрлите едно око на статијатава чисто да бидете во тек што се случуваше. Клаудио Браво ги скроти Европските прваци, Донарума изводи на 18 години, а кај Германците ништо ново.

Еден е од подобрите специјалисти во светот на слободните удари, а имал чуден пат до славниот Милан. Не се многу познати неговите епизоди со депресија и кога му ставале пиштол на чело.

Играше во ЦСКА Софија, Баер Леверкузен, Тотенхем, Манчестер Јунајтед, Фулам, Монако и ПАОК и сега има 36 години и е слободен агент. Прогласуван е рекордни седум пати за најдобар играч во Бугарија, повеќе од Стоичков и е најдобар стрелец во историјата на својата репрезентација со 48 гола. Несфатливо е како може да не помине на проба кај нас играч со ваков осет за гол?

Германија освои уште еден голем турнир, овојпат без сите главни ѕвезди во составот и речиси со Ц селекција. А станаа и европски прваци до 21 година, така што нивниот систем на работа со млади е неверојатен.

Како тргнала работата, навивачите кои се очекува да допатуваат во Скопје за финалето меѓу Реал и Манчестер, ќе дојдат на денот на одигрување на натпреварот, а по мечот ќе продолжат во Грција на одмор едно 10 дена, бидејќи така поевтино ќе им дојде.

Како член на мал полу-професионален клуб можел и морал да работи и некоја друга работа за да заработува, па решил да продава вратоврски и машни од багажникот на својот автомобил. Патот го однесе до врвот а најмногу учел од Ролф Фрингер.

Не веруваме дека постои играч кој не се воодушевува на играта на ценетиот Чави. Овие ситуации се жив пример како врвниот плејмејкер направи светска кариера со кликер. Ја држи топката колку што треба, посматра, има целосен преглед на играта, сочекува, го менува движењето на телото и ја дава секогаш во точен момент. Со еден збор ова се вика совршенство.

Да ги прашаш што им беше намерата нема да знаат да објаснат. И да било индиректен удар греота е вака да го потрошиш, за некои мајстори ова е пола пенал.

Иако има 31 година и не е престарен, не е голгетериште какво што беше и плус го повлекоа поназад да игра како плејмејкер. На навивачите на Манчестер Јунајтед сигурно им недостигаат овие негови ремек дела. Зборуваме за најдобриот стрелец во историјата на клубот кој кога ќе се налутеше, ја кинеше мрежата.

Во ера на глобализација, селење кое го имало од секогаш и често натурализирање на репрезентативци, не треба да се збуниме кога ќе прочитаме дека Игуаин не е роден во Аргентина, Роси не е роден во Италија, а Нани е роден во Република Зелен ’Рт. И кај нас има многу што не завршуваат на „ски“.

Судиските неправедни одлуки кога се во прашање пеналите, лека полека ќе ги испратиме во историјата. На денешниот меч за трето место на Куп на Конфедерации меѓу Португалија и Мексико, судијата ја употреби новата видео технологија (VAR) и донесе прецизна одлука на која се радува секој што сака да гледа регуларен фудбал. Првиот човек на ФИФА, Џани Инфантино сака да ја воведе оваа технологија и на СП 2018, што би било убаво.