Со мечот меѓу Арсенал и Лестер, вечерва со почеток од 20:45 стартува новата сезона во најскапата фудбалска лига во светот. Челси ја брани титулата, а нови прволигаши се Брајтон, Хадерсфилд и Њукасл. Уживајте со англискиот елитен фудбал до 13 мај 2018-та.

Бурата која се крена околу првичната цена од 3.000 денари за Вардар - Фенербахче а која денес ја корегираа на 300 денари, ги натера колекционерите на влезници да протарачкаат по својот архив и да видат колку давале низ годините.

Ако мислите дека Нејмар е човекот за кој Катарците кои спијат на пари требаше да платат лудачки висока клаузула од 222 милиони евра, се лажете. Он може ли вака?

Сопственикот на Вардар утрово неочекувано преку соопштение ја информираше јавноста дека ја напушта раководната функција од трите клуба кои под закрила на спортското друштво Вардар беа во негова сопственост.

Бидејќи не било реновирано од 2011-та, пази цели 6 години, богатите газди на Манчестер Сити направија неколку зафати на Етихад и го направија тип топ по најмодерни стандарди. Тој што има пари да плати ќе ужива во овие благодети. Јадеш, пиеш и уживаш со Премиер лигата.

Кантемир Берхамов од рускиот прволигаш Арсенал Тула ја нема таа елеганција како Зи Зу, ама па успеа да го повтори тој гол од ЛШ финале 2001-ва, кој ретко се постигнува. Ем лоб, ем во агол, печен за кандидат за гол на годината во Русија.

Во пост фудбалската еуфорија од Супер Купот на Европа кој здравје понатаму можеби ќе се понови кај нас, налетавме на една легендарна средба од финалистите од пред 17 години, која заврши со 7 гола од кои 3 се на Роналдо, ама оној без коса.

За разлика од управата на првакот, раководните луѓе на вицешампионот на земјава одлучија картите за мега-дуелот со славниот Милан да бидат по далеку поевтини цени од оние за мечот Вардар - Фенербахче.

Новинарска екипа на 12-кратниот европски првак и освојувач на Супер Купот 2017-та, склопи една доста фина репортажа за Скопје во пресрет на финалето. Соговорник во прилогот е Андреа, инаку македонски навивач на Реал Мадрид, кој раскажува за нашите историски знаменитости. Шпањолката проба боза и локум. Репортажата е во два дела.

Властите во САД го обвинуваат познатиот мексикански фудбалер Рафаел Маркез за учество во нарко-бизнисот и му забраниле влез во Америка.

За време на мечот од Купот на Естонија меѓу Левадија и Паиде (3-1), домаќините поведоа со 1-0 ни криви ни должни а таков смешен старт никој не можел да претпостави.

Да можеше некако добрата организација за Супер Купот да влијае и да ни помогне на ранг листата на ФИФА ќе беше фино, бидејќи вака секој месец истите маки. Одново еден куп фудбалски непознаници се пред нас.

250 денари пиво, па уште и безалкохолно? Мислиш Џек Даниелс пиеш со бадеми и лешници. Стави го 100-120 денари колку што обично оди по кафиќи и ќе ти оди како алва, ама не, Скопје за Супер Купот беше во Лас Вегас филм.

Не само што не се побуни што Зидан веројатно го одмораше за Ел Класико против Барса во недела, туку напротив ги бодреше и храбреше своите соиграчи а прописно се израдува и на голот на Каземиро па им даваше вода да се оладат.

Наместо да го искористи моментумот околу спортската еуфорија во земјава која започна со ракометарите од нивното спортско друштво и наместо да ги уважи и почитува своите најверни, управата на Вардар повлече неколку чудни потези.

Во очи на финалето на Супер Купот, Скопје како домаќин блесна со кореографија достојна за еден ваков голем натпревар. Пред ѕвездите на Манчестер и Реал да излезат на терен, вниманието пред 30 илјадната публика го привлекоа играорците на фолклорните ансамбли „Блажевски“, „Етнос“, „Фолклор“ и „Куд Орце Николов“, како и децата со оштетен слух од училиштето „Партение Зографски“ кои со знаковен јазик ја изведоа „Sky full of stars“ од Колдплеј. Многу убаво направено, браво.

Реал Мадрид стигна до четвриот Супер Куп на Европа, Зинедин Зидан стана четвриот најтрофеен тренер на Реал Мадрид, но шоуто во Скопје се знае кој го украде. Нема, кога ќе каже нешто кажано е, плус само него му лежи вака.

Само што им ги поделија медалите на фудбалерите и тренерите на Јунајтед, Жозе Мурињо тргна кон делот каде беа нивните навивачи и медалот му го подари на едно од децата на трибината. Голем гест за поздравување, за разлика од победничкиот тим кој недоволно ги удостои своите следбеници.

На 20-ина минути од почетокот на мечот кога сите гледачи беа на своите места на „Филип Втори Арената“, еден човек спонтано намести ќилимче и го почна својот верски обред што малку ги подисплаши присутните во близина.

Атлетико Платенсе е аргентински третолигаш каде играта со глава кај дефанзивците изгледа дека е најлошата страна. Момци вежбајте, не е можно волку катастрофален осет да се има со топка.

Најуникатната у најчудната сцена на синоќешниот Супер Куп дефинитивно е оваа фотографија со Фелаини од Манчестер Јунајтед кој им се заблагодари на оние кои ја објавиле и кои му ја пратиле.

Со головите на Касемиро и Иско, европскиот првак славеше 2:1 против Манчестер Јунајтед и со ова гостување, прво во Македонија го круниса четвртиот трофеј во Супер Купот на Европа. Реал Мадрид беше подобар противник и заслужено стигна до пехарот. Кристијано Роналдо влезе во 82-ра минута.

Од македонскиот шампион соопштија неколку детали околу претстојниот мега-дуел во рамките од плејофот за Лига Европа. Цената на влезниците предизвика бурни реакции кај љубителите на скопскиот клуб.

Само тежок контраш може да го негира фактот дека поголем спектакл од тоа Реал и Манчестер да ти играат финале во Скопје нема. Тоа си го обезбедија самите откако паралелно чекор по чекор го минуваа европскиот пат. Нашите прогнозери го посакаа и го погодија ова сценарио.