Соочен со сериозни обвинувања за силување на Американка чии адвокати му бараат 200.000 евра оштета за претрпена психичка тортура, Кристијано Роналдо на теренот не изгледа дека е загрижен. Вечерва даде гол во триумфот на Јуве против Удинезе на гости од 0:2.

Мануел Алехандро Гарсија Санчез е фудбалерот со чиј гол Алавес го победи Реал Мадрид првпат после повеќе од осум децении! Цели 83 години тимот од Баскија чекаше да го кутне „кралскиот“ тим. Притоа ова е првпат од сезоната 1984/1985 Реал Мадрид на 4 меча по ред да не даде гол. Сега Алавес е третопласиран со исто бодови како и Реал Мадрид кој има нешто подобра гол разлика.

Жозе Мурињо од интересен лик пред камери, веќе станува комбинација на чуден и депресивен со на моменти шарлатанско однесување. Не знае кај тера со играта и резултатите и пак се закача. Манчестер Јунајтед едвај му победи денеска против Њукасл во последна минута. Губеше 0:2 по 10 минути игра и направи персврт со три гола од 70-та до 90-та минута.

Енис Барди има 23 години, Тони Мицевски 48, ама тука нема разлика кога ќе го видите старото како изведува слободен удар. Поранешниот македонски репрезентативец кој играше во Бундеслига, уште игра активно фудбал во родното село Поешево. Погледнете му ја најновата мајсторија на ревијалниот меч меѓу ветераните на Победа и Пелистер. Каков цар.

На стартните шест кола во новата сезона го немаше, ама затоа денеска на гостување влезе во второ полувреме, го намести нишанот и испука проектил во агол кој не го фаќаат 10 Буфоновци. Хетафе - Леванте конечни 0:1, благодарение лудиот слободен удар на македонскиот репрезентативец.

Икарди и Наинголан го решија ПСВ во второто коло од ЛШ, ама потегот на мечот го направи Политано кој успеа жива да фати една чаша со малку пиво, да ја поднасмее публиката и да му ја понуди на судијата. Браво и за камерманот.

Го сакаат, го почитуваат, нема голем притисок како во татковината и ужива во пренесување на фудбалското знаење на помладите. Претпоставуваме дека прави уште нешто што многу сака.

Не е лесно да си навивач, ама уште повеќе тренер на Манчестер Јунајтед откако Фергусон ќе ти остави наследство од кое во фудбалот не се живее и во иднината. Мурињо на времето сам си се нарече „Специјален“, ама сабајлево изгледаше како веќе да не знае кај тера.

Португалскиот ас е обвинет дека наводно во 2009 година во еден хотел во Лас Вегас извршил сексуално насилство врз девојка од САД која скоро решила да проговори за тоа кај адвокатите и да му бараат на Роналдо огромна сума на пари како оштета за претрпеното психичко растројство.

Во пресрет на пријателскиот меч на Шпанија со Велс, шпанскиот селектор Луис Енрике го објави списокот на повикани играчи на занимлив начин. Па ете идеја за нашиот селектор Игор Ангеловски понекогаш да си поигра со објавување на репрезентативниот список.

Фудбалерите на Бешикташ го загубија гостувањето против Малме со 2:0, меч кој го судеше нашиот Александар Ставрев и неговите помошници Кировски, Костадинов и Караколев. Дали од несогласување за судиската одлука или од нервоза што губи, португалската ѕвезда реагираше малку неубаво спрема еден од македонски линиски судии и беше на граница на картон.

Околу 90-ина минути траеше предавањето на професор Меси на „Вембли“ против Тотенхем каде со два гола и една асистенција покажа зошто викаат дека е од друга планета. Еден од головите им го посвети на своите синови.

Фудбалерите на Мол Види се држеа 70 минути на гостувањето против Челси кој славеше минимално со голот на Мората. Бобан Николов го одигра целиот меч. Аполон кој важи за аутсајдер во групата Х му се врати на Марсеј по негатива од 0:2 со гол во 90-та минута, Краснодар ја изненади Севиља, а Лацио се соочи со дебакл и доби два црвени картони.

Човекот кој му го уништи финалето на Ливерпул во Лига на шампиони против Реал Мадрид, продолжува да се брука и во Бешикташ. Малме го совлада турскиот состав со 2:0, а германскиот голман месечареше на првиот гол.

Македонскиот репрезентативец Иван Тричковски со гол во 25 минута го отвори резултатот на гостувањето против Баер Л кое АЕК на крај го загуби со 4:2. Аријан Адеми и Елиф Елмас славеа со Динамо и Фенербахче, а Спортинг направи пресврт со два гола во судиско продолжение. Ристовски остана на клупа.

Нотс Каунти е четвртолигаш во Англија. Кај нас четвртата лига асоцира на фудбал на нива каде судијата јаде ќотек ако не тепа домаќинот, а на островот од тој ранг доаѓаат приказни кои може да ви го стоплат срцето.

„Разликата меѓу мене и тебе е во тоа што ти си трет најдобар голман на светот, а јас обичен човек. Од таа причина јас и не седнувам пијан да возам“.

Требаше само да ја исфрли топката од центар, односно да им ја врати, арно ама тапчото изгледаше како да ја враќа со заврзани очи. Трагикомичнава сцена ни доаѓа од англискиот третолигашки меч меѓу Шрузбери и Волсол. Епилог: Го изнесоа на носилки и не се врати во игра.

За време на мечот Јувентус - Јанг Бојс кој „Старата дама“ го доби 3:0, тренерот Алегри во еден момент му вришти на Бернардески: „Дај ја топката, гол ни треба. Ќе го сменам сега, не сме во Фиорентина овде“ со повторување на зборот cazzo кој во превод не можеме да кажеме што значи. Италијанскиот репрезентативец Бернардески од Фиорентина дојде во Јувентус.

Тоа што најголемите пари се движат во англискиот фудбал, не значи дека треба да се крстиме во Премиер лигата и дека другиве лиги се паштета. Се менуваат времињата, резултатите, па и табелите.

Во првенство на земја каде играат технички најпоткованите фудбалери во Европа, да имаш најголем посед на топка значи дека треба да си тренерски магистар. Кике Сетиен е магистарот на Бетис.

Ако сте гледале мултипренос од синоќешните средби во Лига на шампиони, тогаш сте се изнагледале мајстории во Мадрид, Лондон, Париз и Ајндховен. Ако не сте гледале, тогаш ова е таа задолжителна компилација за вас. Уживанции.

Додека уживате во страшно атрактивната голеада од Лигата на шампиони, да пренесеме малку фудбалски амбиент и од кај нас, каде од кров на куќа може да се гледа фудбал. Силекс го елиминираше Скопје во осминафиналето од македонскиот куп, а голманот на Кратовчани, Благојче Иванов го отвори резултатот уште во 3-та минута откако за малку и ќе ја погодеше топката.

Пабло Росарио од ПСВ, Гроенвелд од Бриж и Наинголан од Интер постигнаа прекрасни голови кои ќе конкурираат за најубав погодок на колото во цела Лига на шампиони.