Фудбалерот кој го излажа цело Мексико дека е играч на Јуве

Фарид има само 20 години и пуста неостварена желба да го облече дресот на 34 кратниот (36 според навивачите) шампион на Италија. Уствари он го облече, а сè друго потоа излезе дека е фарса.

Дионисио Фарид Родригез е топ тема во Мексико и тој се најде на сите насловни страни, ама не за нешто убаво, туку затоа што го открија дека е лажго број 1 и тоа пред илјадници деца.

Овој 20 годишник веќе некое време глумел лудило дека е дел од тимот на Јувентус за играчи до 21 година и не само тоа, туку дека е многу блиску до повик во првиот тим заедно со Кристијано Роналдо.

Лажната приказна до толку ја развил, што на Инстаграм собрал преку 16.000 следбеници, а давал и интервјуа и објаснувал како е да се живее во Торино. Се пофалил и дека во првата сезона за Јуве У-21 постигнал 10 гола.

Родригез исто така на својот профил редовно објавувал слики од тренинзите во Јувентус, а комуницирал и со своите фанови.

Фарид лажгото повеќе не е претставен од медиумите како Бјанконеро, туку како лажен Бјанконеро кој ја имами цела јавност, а пред сè деца кои чекаа на ред за да се сликаат со него.

Откако му ја открија преварата, утврдено е дека Мексиканецот крадел фотографии од играч по име Жоау Серау кој е дел од Јувентус У-21, а се испоставило дека Фарид настапува за мексикански нисколигаш.

Во секој случај дечкото бил упорен и очаен.

3 јануари 2019 - 11:30

Штета ако сте пропуштиле

Анимирање, лудом радовање

4 часа, 47 минути

Кога срцето вика море...

Случајноста е начин на кој Господ останува анонимен