На времето многу актуелно беше видеото на кое еден голман се радува и трча од среќа поради одбранет пенал ама топката на крај му завршува во гол па противниците последни се смеат. Епа исто се случило, во Читрал во Пакистан.

Кристијано продолжува да прави дар-мар во репрезентативниот дрес. Човекот не застанува. Во триумфот на Португалија 5-0 против Луксембург во квалификации за СП 2022, Роналдо постигна хет-трик кој му стана рекорден 10-ти во дресот на Португалија. Никој никогаш како него.

Младата шпанска фудбалска репрезентација до 21 година го продолжи убедливиот пат кон Европското за млади фудбалери. Синоќа со 3-0 ја згромија Северна Ирска У21, први се во група со 4-0-0 и 12 бода, гол разлика 12:3. Серхио Гомез (Андерлехт, дете на Барселона) постигна два гола, едниот после чудесен тотален фудбал.

Селекцијата на Грузија стигна до првиот триумф во квалификациите за СП 2022, откако го доби Косово со 1:2 и сега се израмнети со по 4 бода. Во еден момент еден од гостинските фудбалери спаси чист гол на линија, каков голман што нема спасено. Домаќините протестираа кај судијата и мислеа дека топката е внатре.

Чиле со 2-0 го совлада Парагвај и конечно ја прекина серијата очајни резултати. Мечот ќе се памти по тешкиот идиотлук на Артуро Видал кој веќе дефинитивно треба да оди во пензија зошто фудбал очигледно не му се игра. А уште поголем цреп испадна судијата кој не покажа никаква опомена.

Фајнал Форот на Лига на Нации помина некако во сенка на квалификациите за Светско првенство. Трофејот го освои Франција која во финале после сомнителен гол од офсајд ја совлада Шпанија после пресврт 1:2. Италија заврши трета откако ја победи Белгија во за Тибо Куртоа бесмислен меч.

Новинар на Билд успеал да го сними амбиентот по заминувањето на германските фудбалери од соблекувалната на Градски. Според содржината во видеото каде не гледаме пиво, се гледа дека четикратниот светски првак не го славел пласманот на Мундијалот во Катар, ама и не го оправдале својот менталитет во однос на хигиената. При канти, отпад оставиле и на земја и на под.

Македонската фудбалска репрезентација ја загуби втората позиција во групата, бидејќи освен синоќешниот пораз, не се поклопи ниту посакуваниот нерешен резултат меѓу Романија и Ерменија. Романците победија и си го отворија патот до баражот. За нас сега стана потешко.

Октомвриската пауза за репрезентативен фудбал завршува вечерва, на повеќето селекции им останува да доиграат уште 1-2 меча во ноември. Но ретко во која група е решено кој ќе патува на големиот Мундијал 2022.

На навивачите на Турција дефинитивно им треба пауза од репрезентативен фудбал. Ова што им се случи во Рига, против Латвија во квалификациите е за седативи. Губеа 1-0 по автогол на Мерих Демирал во 70’ минута. Израмнија само пет минути покасно и дури до 90+9’ минута во судиско продолжение од пенал победија 1-2.

Јусуф Јазичи е мотиваторот, а тој што ја трпи „малтретажата“ е 20 годишниот Ридван Јилмаз. Коментаторите се смееа, а фудбалерот на Лил како тргна, мислиш око ќе му извади. Инаку Турција ја победи Летонија 1:2, со гол од пенал во 99-та минута.

Четирикратниот освојувач на ЛШ со Реал го газат годините. Има 36 лета, ама никој не може да му ја одземе фудбалската интелигенција и форма, без разлика што е во рангот на ветерани. И на овие години игра и стрела за репрезентација, а со израмнувањето против Словачка постави и еден интересен рекорд.

Германската фудбалска репрезентација се опорави по шокантниот пораз од Македонија во Дуизбург, во продолжение лагодно ги одработи квалификациите и пред време обезбеди карта за Светско првенство 2022.

Атрактивната Германија на Градски дојде со атрактивна водителка, ама и атрактивен гостин кој е една од најголемите фудбалски легенди и рекордер по број на репрезентативни настапи. Според овие фотки, некој ќе помисли дека е сликан на Лужники во Москва.

Беше предмет за потсмев после онаа историска мартовска победа на Македонија над Германија, но синоќа ни врати дупло.

Македонската фудбалска репрезентација немаше сили за уште една сензација против една од најмоќните селекции во светот. Германците се одмаздија за неочекуваниот пораз на првиот дуел и го заверија пласманот на Мундијалот во Катар.

И покрај лошите временски услови, македонската фудбалска репрезентација има целосна поддршка од трибините. Националната арена е исполнена до половина, колку што дозволуваат протоколите. Уживајте во воведот на првото гостување на поранешниот светски и европски првак во Скопје.

За гостувањето против Македонија, РТЛ пристигна во Скопје со шест шлепери техничка опрема, 110 луѓе персонал, а нa ќошот меѓу Северна и Источна трибина направија импровизирано студио во кое се појави германската легенда Лотар Матеус, во својство на стручен коментатор.

Португалија со 3-0 го совлада Катар којшто игра формално во група од квалификациите за Светско на кое е пласирана селекција како домаќин. Кристијано Роналдо го отвори резултатот и постави нов рекорд. Сега има 181 натпревар за својата земја, 112 гола против 46 различни селекции. Неверојатно.

Турците одиграа 1:1 против Норвешка во мундијалските квалификации, резултат кој не им одговара, бидејќи со победа ќе беа втори. Јилмаз се обиде да изнуди пенал на најбуљашки начин и ептен се посрамоти.

Велс успеа да извлече златен бод во Прага против Чешка (2:2) и да ги задржи шансите за второ место и бараж за Светско првенство. Сега имаат по 8 бода со Чесите кои синоќа поведоа 2:1 на старт на вториот дел по една кардинална грешка на голманот на Лестер Дени Вард.

Добри се впечатоците од гостувањето во Вадуз. Македонија победи убедливо, дебитираа новајлиите Миовски и Ракип кои може да дадат нов тон во играта. Што ги чека фудбалерите до крајот на квалификациите?

Македонската фудбалска репрезентација со 0-4 го декласираше Лихтенштајн на гостински терен и направи голем чекор во борбата за второ место во групата на патот за Светско 2022.

Леганес и Хетафе во една прилика играа финале во локалниот Куп, а вака изгледаат златниот и сребрениот трофеј кои им припаднаа на женските екипи после мечот.