Вељко Бирманчевиќ е дете на Партизан кој лани направи трансфер од Чукарички во Малме. 100% го има видено легендарниот гол на Ѕола, барем на Јутјуб. Навивачите бакљи почнаа да палат после мајсторијава.

Фоџа - Катанзаро (2:6), Серија Ц. Ни ред, ни поредок. Во Англија нека одат овие вака ноншанлантно да влетуваат и да излегуваат од терен. Нема да ја помирисаат друг пат тревата. За што ли зема плата обезбедувањето?

На моменти човек ќе помисли дека многу ја угњавија топката, ама што не им ја земат ако можат? Плус гол дадоа. Се работи за шестиот погодок на дуелот против Сент Џонстон кој го декласираа 7:0. Си вежбаа луѓето.

Браво голман во иронична смисла е коментар на место кој можеше да се чуе во клипот. Само месечар може да прими ваква балонка.

Енис Барди и другарите, ниту со три пенали не успеаа да ја совладаат Барселона која со Чави на кормилото полуде и е во страшна серија од 15 средби без пораз. Домаќините немаа чаре за извонредниот Тер Штеген кој им фати пенал, ама и една ваква шанса која не се пропушта еден на еден. Слалом на Моралес кој ќе добиеше опис со Меси наслови.

Барселона ја продолжи серијата без пораз на 16 меча откако синоќа со 2:3 во драматичен меч го совлада давеникот Леванте на Барди кој речиси сигурно испаѓа во Сегунда. Барселона победи со гол на Лук Де Јонг во длабоко судиско продолжение а најголем куриозитет од мечот е што имаше дури 3 досудени пенали за Леванте кој искористи два и на крај изгуби.

Во Јужна Африка еднаш како награда врачија 5 гигабајти интернет, во Зимбабвме пиво, а во Гана влечки. Најнов хит викендов беше случајот во Уганда, ама се појави втора слика со допуна.

Веќе трета година по ред, публиката на Болоња има привилегија во живо да ужива во магиите на 35 годишниот магионичар од Ваљево. Италијанскиот коментатор вели вака: Во цела планета ова може да го направат само Милош Теодосиќ и ептен мала група на други луѓе.

Во македонската пресметка во Хрватска, на која настапија сите тројца наши репрезентативци, Аријан Адеми и Стефан Ристовски слават многу важна победа во трката за титулата против Дарко Велковски.

Манчестер Јунајтед одигра уште еден очаен натпревар, заслужено изгуби од давеникот Евертон 1-0 и падна на седмо место во Премиер лига со 5 бода зад позицијата која води во Лига на шампиони. Роналдо претрпе жесток удар во еден дуел по што беше раскрварен. На крајот фрустриран кај трибините му го турна телефонот на еден млад навивач.

Челси после неколку бламажи во првенството и во Лига на шампиони, конечно заигра како треба и бесот го истури на Саутемптон. Сините победија со неверојатни 0-6. Маунт и Вернер постигнаа по два гола а по еден Алонсо и Хаверц. Германецот имаше и еден чудесен потег.

Го приметивме лани дека е збуцкан кога му аплаудираше на Пандев против Холандија, ама чекај во дрес да го видите. Инаку Весли има 37 години, а кариерата ја заврши 2019-та во Катар. На 50 личи на фоткава. Христо Стоичков се направил.

Тоа што го прави македонската фудбалска репрезентација изминативе неколку години, не сме ни свесни колку е важно и драгоцено. Не само самите историски резултати кои ги остварува, туку и промоцијата, како и да се слушне и види дека стварно нè бива за фудбал. Замислете Французин има Твитер профил само за мак фудбал.

Мундијалот во Катар годинава, ќе биде последно Светско првенство кое ќе се игра по старите правила и со 32 селекции. Промената ќе почне веќе од следното Светско во САД, Мексико и Канада.

Ете до таму ни е стасан клупскиот фудбал, да во 21 век објавуваме дека фудбалски град како Битола за прв пат се радува на рефлектори.

Во четвртфиналето на Светско првенство 1986 Диего Армандо со два култни гола кои ја обележаа неговата кариера, сам ја урна Англија и ја однесе Аргентина во полуфинале а после и до титулата.

Вест Хем од 45+3’ минута играше со играч помалку против Лион поради црвениот картон на Арон Кресвел. Се бореа „чеканите“ до крај. Поведоа први во 52’ минута, Ндомбеле израмни на 1-1 во 66-та за да во 85-та Вест Хем тргне во одлучна контра и при шанса за гол еден глупчо од трибини влетува на терен и ја прекинува играта.

Барселона синоќа не играше само во Лига Европа, туку и во Копа Судамерикана, што е исто така второ по ранг клупско континентално натпреварување. Ама вторава Барселона е од Еквадор и славеше 4:2 против Монтевидео. Аргентинецот Киту Диаз му го кажа вицот на голманот.

Младиот 20-годишен Ансгар Кнауф, Германец кој игра лево крило за Ајнтрахт Франкфурт каде е позајмен од Борусија Дортмунд, се прослави со еврогол против Барселона на првиот меч од четвртфинале на Лига Европа. Го испружи Тер-Штеген ко мачка. До крајот Каталонците израмнија на 1-1 преку Феран Торес по сјајна акција и со поволен резултат ќе го чекаат реваншот.

Олимпик Марсеј го совлада ПАОК со 2:1 во четвртфиналето од Лигата на Конференции, а Дмитри Паје изведе чудесија од волеј, кој не постои голман кој може да го одбрани. Неверојатен проектил.

Жозе вечерва со Рома во Лига Конференции гостува на крајниот север каде го чека Бодо Глимт, екипа која му го нанесе најтешкиот пораз во кариерата 6-1 на исто место пред неколку месеци.

По речиси половина век соработка, УЕФА раскина со Панини и се врза со нова компанија, ама нас Панини ќе ни остане во срце, бидејќи по многу патење доживеавме да ги лепиме и да се мењаме со Пандев, Елмас, Нестор и сите други јунаци, а му најдовме посебно место и на Мрме.

Атрактивен, а на момент беше и забавен дуелот меѓу актуелниот европски првак и рекордерот со 13 титули. Бележиме уште две ситуации, кои можеби не сте ги забележале во пренос. Моментот кога пола тим на Челси не можеше да му ја земе на Ферланд Менди и скокот на Федерико Валверде кој му слета на Карло на рамо.

Виљареал го победи Баерн Минхен со 1-0 и сонува пласман во полуфинале на Лига на шампиони но ќе мора да издржи во реваншот во Германија. На мечот на „Естадио де ла Керамика“ најдобриот светски голман за малку ќе примеше гол од пола терен како во 2011-та година кога додека бранеше за Шалке, Дејан Станковиќ како играч на Интер му даде незаборавен еврогол.