Џовани Барсоти од DAZN, платформа која ги има тв правата за италијанско, ја има фотографијата на сезоната, која е многу повеќе од еден фудбалски натпревар.

Ѕвездениот состав на Парижаните не успеа во саботата да слави на гости кај Ремс и одигра само 0-0. Поради зборови кои не му се допаднале на главниот судија, Серхио Рамос доби два жолти картони за само десет секунди и го пратија на туширање во 41’ минута од првиот дел.

Со гол по 17 минути игра, Педри ја реши Селта и во очи на Ел Класико ја одржа Барса прва пред Реал, само поради подобрата гол разлика. Погледнете ги овие дриблинзи и контрола на топка на само 19 години. Во финишот Каталонците едвај се спасија да не примат гол.

Без никаков резултатски притисок бидејќи водат 0:2 и се игра 91-ва минута, а ниту па и голем притисок од чуварот, играч на Риед во првата австриска лига се решава да му ја врати на голманот на чуден начин. Волфсбергер - Риед завршува 1:2. Единствена логика има ако ја играл ГГ3+.

Со 7 победи и 2 нерешени, Наполитанците и натаму се лидери во Серија А, а денеска го совладаа Кремонезе со 1:4. Интересна ситуација се случи при еден слободен удар, кој судијата очигледно не очекуваше така да се одвива, па на Распадори му се постави ко Јап Стам.

Скроз несвојствено за калибар на играч како него, Кристијано Роналдо стигна до првиот сезонски погодок во Премиер лигата по дури 8 минати кола. Гол за победа на Манчестер Јунајтед, како и јубилеен со број 700.

И тоа не само Италија, туку и Англија, а две одат на Европско.

Лео во пресрет на Светското првенство 2022 каде ќе ја предводи својата Аргентина како капитен, игра во сјајна, препознатлива форма. За ПСЖ растура од почетокот на сезоната, а за клуб и репрезентација досега од почеток на сезонава има 12 гола и 8 асистенции. Дека е одлично расположен покажа и на еден тренинг.

Тешко дека ќе најдеме друга сезона од кариерата на Роналдо со само еден постигнат гол после два месеци фудбал. И тоа од пенал во Лига Европа против Шериф. Во Премиер лига 6 настапи, 0 голови. Синоќа беше стартер против Омонија на гости, ама без никаков личен учинок.

Со головите на Мандрагора во 4', Кристијан Куаме во 42' и Лука Јовиќ во 72' минута, Фиорентина со 0-3 на гости лесно се справи со шкотски Хартс во Лига Конференции. Вториов го даде најубавиот од трите гола, со полу-ножички од прва.

Балкани (Косово), Сиваспор (Турција), Славија Прага (Чешка) и Клуж (Романија) ја држат најголемата неизвесност на европската клупска сцена. Како тргнале, на крај на пенали ќе играат секој против секого. Немало до сега ваква изедначеност или па ние не сме виделе до сега.

Хитот на Манчестер Сити за два месеци фудбал во Англија оствари страшни голгетерски бројки. Прочуениот весник Дејли Мејл открива дека ист е муабетот и во однос на парите кои ги заработува.

Баерн Минхен се соочува со необичен проблем и сосема неочекуван за господски клуб каков што е баварската гордост. Дел од вработените во кујната штрајкуваат зошто не добиле плата. Според Sport Bild, некои работници дури и не дошле на работа.

Азербејџанскиот клуб Карабаг некогаш служеше за поправање на гол разликата на познатите клубови во еврокуповите. Но во последните неколку сезони е сосема поинаку. Карабаг синоќа среде Пиреја го згроми Олимпијакос со 0-3 и ја продлабочи тешката криза во грчкиот шампион кој има 3 порази на 3 меча во Лига Европа а заостанува и во домашното првенство.

Бетис ја совлада Рома на Олимпико 1:2 и тоа со пресврт и има 3 од 3. Клаудио Браво ептен му го расипа ќеифот на Дибала кој ќе го имаше еден од најјаките голови сезонава во Лига Европа. Коментаторот повторуваше браво Клаудио, браво Клаудио и во еден момент се поднасмевна под брк.

Во јануари 2019-та, Милан му плати на Фламенго 35 милиони евра за бразилскиот репрезентативец Лукас Пакета. Од таму замина во Лион, а сезонава е член на Вест Хем. Погледнете му го приемов на топка од синоќа од против Андерлехт, како и реакцијата на соиграчите на клупа.

И ФК Славија од Пржино има нешто да каже за спорната ситуација на мечот Интер - Барселона во Лига на шампиони. Да ги проследиме.

Со двата гола на Рашфорд и еден на Марсијал, Манчестер Јунајтед ја доби Омонија Никозија на гости со пресврт од 1:0 во прво, 2:3 конечен. Роналдо го одигра цел меч и продолжува да стагнира сезонава со 9 настапи и само 1 гол на сите натпреварувања.

Фудбалерите на Црвена Звезда со 4-1 го совладаа унгарски Ференцварош во рамки од 3. коло во Лига Европа, а три гола од овој дуел беа прилично ефектни. Најубав сигурно беше оној на Габонецот Гејлор Канга, во негов стил, од повеќе од триесет метри во агол.

И кога сме кај Ајакс - Наполи (1:6), пазете го видеово. Јохан Кројф (1947-2016) и Диего Марадона (1960-2020), великани без кои никогаш немаше да биде иста историјата на Ајакс и Наполи. Првиот има освоено 18 трофеи од кои три по ред во ЛШ. Вториот ги донесе единствените две Скудета во Неапол, како и Купот на УЕФА и Куп и Суперкуп на Италија.

На денешен ден или пред точно 20 години, на 6-ти октомври 2002-та Луис Назарио да Лима за првпат настапи во дресот на Реал Мадрид. Дебитираше против Алавес и даде 2 гола за 14 минути.

И покрај тоа што Севиља сезонава е непрепознатлива со само 5 бода по 7 кола во Ла Лига и 1 бод по 3 кола во ЛШ, Хулен Лопетеги го доби целосно заслужениот респект од навивачите. Дебаклот од Борусија (1:4) значеше крај за него кој и официјално му го соопштија после мечот.

Кај фудбалерите обично модата доаѓа на бранови, па така ако некоја ѕвезда промовира хит фризура или се бланшира, ете ги стотици како крдо исто фарбани следниот викенд. А исто е и со тетоважите, со тоа што има такви кои се решаваат за луди одлуки. Како на пример 36-годишниот уругвајски голман Себастијан Соса кој цела кариера ја помина во Јужна Америка и никогаш не бранеше во Европа.