Рекордерот по бројот на освоени златни топки, викендов го сруши интернетот и ги збудале коментаторите во финалето од Копа деј Реј. Слаломот е негов специјалитет кој го најави уште на 19 години против Гетафе кога се проби идентично како Марадона.

Сите ги знаете ама кога ќе ги погледнете сега нема сите да ги знаете. Ние одевме еден по еден, се испонамачивме и не препознавме ниту половина од нив.

И покрај тоа што единствените два трофеи ги освои во последните две години, Унаи Емери има големо меѓународно искуство за неговите години, а во моментов е најбаран тренер во Европа.

Во пресрет на саботното финале од Лигата на шампионите, оваа реклама снимена пред десетина години може повторно да биде актуелна. Ривалдо бара голтка, а детето дрес, но не го облекува.

Бајрон Морено е еден од најнепосакуваните ликови во Италија по Мундијалот во Јапонија и Јужна Кореја, а Џиџи Буфон за него изјави дека тој не криел дрога во гаќите, туку во мозокот. По 2002 година ништо убаво не му се случи во животот, освен што успеа да заработи пари, ама во затвор.

Бразилецот им извади душа на фудбалерите на Билбао, кои фрустрирани од неговите дриблинзи почнаа и физички да го напаѓаат. Потегот пред крајот од мечот со Баскијците, Нејмар го правеше и во минатото додека играше во татковината.

Иако завршија речиси сите фудбалски првенства ширум светот, во тековниот месец нè очекуваат настани кои би можеле да нè задржат уште некое време пред телевизија.

Во рамките на Адидас фристајл кампањата, Марсело ги покажа своите технички способности учени на Копакабана во Бразил и уште еднаш докажа дека фудбалерите од оваа земја се потпишуваат со топката.

Унгарецот Балаж Џуџак од Динамо Москва ја затвори завесата во руското првенство со голчиште, кое сигурно влегува во конкуренција за најатрактивен погодок на сезоната.

Во реванш мечот од баражот за опстанок во Бундеслигата, фудбалерите на Хамбург направија вистинско чудо на гостувањето кај Карлсруе и останаа единствен тим кој никогаш не испаднал од елитното друштво.

Јунаков кој го збибери проектилов е од Унгарија, а слушнете какво драње дадоа тие што го видоа ова во живо.

Два и кусур месеци ќе бидеме без фудбал во најсилните 5 топ лиги во Европа, па време е за анализи и компарации. Во Германија сезонава во просек имало двојно повеќе публика на стадионите од Италија и Франција.

Стивен Ленон кој игра во исландското првенство не е баш познат фудбалер. До 2009 година играл во аматерски клубови, а хет-трикот ова коло ќе го памети најмногу по ножичките.

Баерн Минхен постираше видео на својот канал на јутјуб. Нивниот голман освен што прави чиста на 30 метри од својот шеснаесетник, не сака да го закачаат и додека јаде.

Тоа е конечното решение на Апелационата комисија за издавање лиценци на Фудбалската федерација на Бугарија, која не им издаде дозволи за натпреварување во Прва лига на двете екипи од главниот град на Бугарија.

Промашениот пенал против Лацио следува после лошо изведените со Киево, Аталанта и Милан. На тој начин Пипита Игуаин од можен херој, стана симбол на промашени пенали во една сезона и покрај 29 постигнати голови во 2014/2015.

14-годишно момче скокнало со другарите во еден милански канал, удрило во ѕид по што лекарите 42 минути се бореле за неговиот живот. Откако се разбудил од кома после 4 недели, првото прашање му било за актуелниот италијански шампион.

Фудбалерите на Лацио оваа сезона два пати се враќаат како херои од Неапол. Првиот пат ги елиминираа Наполитанците во полуфиналето од купот, а сега сликата се повтори, но во нивниот тренинг центар имаше уште поголема еуфорија и поголем број на навивачи кои 8 години сонуваа за Лига на шампиони. 

Со двата гола на Меси и еден на Нејмар, Барса го совлада Атлетик Билбао 3-1 во финалето на шпанскиот куп и после титулата во Ла Лига, по 27-ми пат го крена и трофејот на шпанскиот крал. Барселона за една недела ќе има прилика да ја освои и Лигата на шампионите и втор пат во историјата да ги обедини сите три пехари.

Како и што се очекуваше пред почетокот на финалето на Кралскиот куп на Шпанија, речиси 80.000 навивачи на Атлетик Билбао и Барселона ја исвиркаа шпанската химна. Баскијците и Каталонците, секој од свои причини направија страшна врева од свирежи која достигна 119 децибели (приближно на авионски звук).

За 19 години колку што е тренер на Арсенал, Арсен Венгер вечерва по шести пат го донесе трофејот од ФА купот во клупскиот музеј. Тобџиите ја демолираа Астон Вила со 4-0.

Актуелниот прв човек на најбогата спортска федерација останува на тронот до 2019 година, откако неговиот противкандидат Принцот Али реши да се повлече од трката.

За прв пат најпопуларната игрица ќе се игра со женски екипи. Да, ФИФА 16 со жени.