Од Пекинг наваму, Италијанецот однесе дома 10 победи на 11 меча против ривалите од топ 5 на АТП, а претходно скорот му беше 4 од 23. Чекор по чекор, стана најдобар меѓу најдобрите.

Во регуларниот дел од сезоната во НБА како ретко кога големите суперѕвезди имаа неверојатни индивидуални претстави со над 50-60-70 поени.

Дваесет и седум годишниот Џејмс Медисон, врвен техничар кој од Лестер премина во Тотенхем и сега се врати на терен после долга пауза, еднаш ги зезна навивачите на Борнмут уште додека играше за Лестер. Го навредуваа од трибини со песна „Саутгејт (селекторот) е во право, за *** не те бива“. Медисон мангупски ги цимна. Скоро нешто слично им направи Алфи Доути од Лутон на навивачите на Шефилд Јунајтед.

Пит Сампрас, Андре Агаси, Борис Бекер, Штефан Едберг, Горан Иванишевиќ, Штефи Граф, Мартина Хингис, Моника Селеш, Мартина Навратилова. Други времиња со едни други мајстори кои владееа во тенисот. Налетавме на две минутен клип од АТП финале старо 25 години меѓу две славни американски имиња кои создадоа големо ривалство.

Репрезентацијата на Јордан сензационално влегла во четвртфинале на Куп на Азија откако го совладала Ирак 2:3 со голови во 90+5’ и 90+7’ минута. Претходно Ирачаните играле со играч помалку од 77’ минута откако Ајмен Хусеин, стрелецот на вториот погодок за Ирак го прославил на идентичен начин како Јорданците првиот погодок - со изведба на ручек на левантски начин.

Германскиот бундеслигаш Карлсруе веќе некое време има чудна тактика за корнери. Кој не им ја знае, ќе се збуни кога ќе ги види што прават пред секој корнер.

А ќе се сложите дека не би претерале ако би рекле дека ова што го направи Елвис, 33-годишен бразилски фудбалер на Понте Прета е потег на сезоната. Ау ау ау!

Ал Хилал славеше против Интер Мајами со 4:3 на пријателски меч кој беше решен во 88 минута со голот на Малком. Резултатот отвори Митровиќ, а меѓу стрелците за американскиот тим беа Меси и Суарез.

Триесет и седум годишниот Раџон Рондо кој освои две шампионски титули во НБА и 4 пати беше дел од Ол-Стар мечот, синоќа бил уапсен во Индијана поради нелегално држење наркотици, прибор за дрога и пиштол.

Капитенот на Македонија го одигра цел натпревар против Кашимпаша и му подари маестрална асистенција на Енис Дестан кој го отвори резултатот по 19 минути игра. Но гостите направија пресврт и славеа 2:3. Трабзонспор е трет на табела со 23 бода заостанување зад Фенербахче и Галатасарај.

Само два дена откако ја торпедираше Атланта Хокс со страшни 73 поени, Лука Дончиќ го попари Орландо Меџик со нови 45 поени.

Замислете да сте спортист и од 2002-ра година до денес, секоја година со исклучок на една, сета пот и сите жртви, на крајот на сезоната да ви се вратат со шампионска првенствена титула. А да е само тоа?

По шокот со Јирген Клоп кој отворено и чесно призна дека веќе немал енергија да го води Ливерпул и дека на крајот од сезоната заминува, идентичен шок на навивачите им приреди и Чави, тренерот на Барселона.

Полуфиналето меѓу Франција и Шведска, кое Французите го решија во продолженија после слободен удар по истекот на 60-те минути е вистинска реткост во ракометот. Таков финиш се памети и на дербито меѓу Пелистер и Вардар на 11 октомври 2006-та. Проектилот го постигна Дејан Пецаковски, за победа и делириум во салата Младост.

Во вечното дерби кое се играше во 18. коло од регионалната АБА лига, Црвена Звезда го победи Партизан 88:86 и сега двата тима имаат по две победи сезонава против најголемиот ривал односно односот е 2-2 во триумфи. Бразилецот Јаго Дос Сантос го реши мечот со кош во последните секунди од мечот. Во стилот на Џордан.

ПСЖ одигра 2:2 против Брест кој се искачи на трето место и прокоцка водство од 2:0. Бодот на гостите им го донесе Матијас Переира во 80-та минута со велемајсторија, која сигурно и самиот ќе си ја гледа на Јутјуб по 10 пати на ден.

Фенербахче го совлада Анкарагучу со 2:1 и ја задржа лидерската позиција во Турција со +3 пред Галатасарај. Обрнете внимание на интервенцијата на гостинскиот тим, Бахадир Хан Гунгорду при ударот на Тадиќ. Човек - пајак.

Француската ракометна репрезентација по четврти пат стигна до европското злато откако во мегдан на титаните во Келн вечерва, во големото финале ја совлада Данска 33:30.

По сензационалниот триумф над бранителот Новак Ѓоковиќ со еден загубен сет, Синер одигра уште една страшна партија и по негатива од 0:2 ја освои Австралија опен, со јуначки пресврт против Медведев кој се чинеше дека ја има титулата.

„Неатрактивна ракометна селекција, но многу квалитетна“ е дел од коментарот на селекторот Кире Лазаров во врска со денешната ждрепка за Мундијалот 2025.

Дваесет и осум годишниот холандски репрезентативец Натан Аке е стрелец на првиот гол за шампионот Манчестер Сити на новиот стадион на Тотенхем Хотспур. „Граѓаните“ дури пет пат играа на овој стадион и претрпеа пет порази по ред без ниту еден постигнат гол. Синоќа во 4. рунда од ФА Купот Пеп Гвардиола и неговите конечно го скршија малерот, постигнаа гол и славеа 0-1 со што се оствари желбата на Пеп конечно да победи таму кај Спарс на гости.

Голчиштето на Пранди во полуфиналето меѓу Франција и Шведска ќе остане во аналите на ракометот, како потег кој е вистинска реткост за овој спорт. На 15 секунди до крај, искусниот Готфридсон излезе сам пред гол за да погоди за +2, но направи чекори, а Французите во последниот напад изведоа слободен удар за реми по кое беа подобри во продолженијата и со 34:30 се изборија за финале против Данска.

Неверојатниот Лука Дончиќ ја одигра најдобрата партија во својата кариера откако во триумфот на неговиот Далас Маверикс против Атланта Хокс 148:143 постигна страшни 73 поени!

Американката Микаела Шифрин тешко се повредила на опасниот спуст во Кортина д’Ампецо. Шифрин својот старт го имаше од осмата стартна позиција но после дваесетина секунда при губење рамнотежа излета во заштитната ограда крај патеката. Со асистенција на лекарите стана и се оддалечи од патеката а со хеликоптер подоцна е префрлена во болница. Пред десетина дена и нејзиното момче, Норвежанецот Александер Олмот Килде имал тежок пад на спустот во Венген.