Кого пратија Турците, платен убиец?

Има 51 година, нема опрема, но го освои и среброто и светот и тоа во секунда, откако се појави во неконвенционално издание за една ваква спортска манифестација.

Интернетот е во транс откако го виде Јусуф Дикец од Турција, кој се натпреварува во дисциплината пукање од 10 метри со пиштол.

На сред Олимписки игри, Турчинот дојде без специјализирани очила, како и слушалки за заштита на ушите, опрема која обично ја носат сите стрелци.

Тој си тераше своја шема со диоптриски очила, чепчиња за уши, тренерка и маица.

И што е најјако освои сребрен медал заедно со својата партнерка во стрелаштво, Шевала Илајда Терхан.

Инаку она што треба да се знае за Дикец е дека пука од 2001-ва и дека бил припадник на Турската Национална Жандармерија (Jandarma Genel Komutanlığı).

Не е воопшто залутан лик на Олимписки игри, напротив ова му е петто учество, почнувајќи од Пекинг 2008.

Ова му е прв олимписки медал, но затоа има многу златни, сребрени и бронзени медали на државни, европски и светски првенства. 

Неговата колешка пак од Јужна Кореја оди во друга крајност, но и таа е освојувач на сребро.

Дури и официјалниот Твитер профил на Олимписките игри им се поклони на овие нови неочекувани спортски или ако сакате филмски ѕвезди. На социјалните мрежи коментираат дека се печени за улоги во акциони филмови.

Се очекува човекот следниот пат вака да се појача со опрема:

1 август 2024 - 12:27

Штета ако сте пропуштиле

Лакомите парајлии

Ептен лична карта

Само Љубчо да се нервира

Vladimir, One of Us!