Селтик и Баерн Минхен одиграа интересен натпревар кој германскиот шампион го доби 1-2 со два убави гола на Олисе и Кејн. Селтик го отвори натпреварот со гол уште во првите секунди но им беше поништен поради офсајд. Навивачите од групата „Зелена армија“ одново имаа пароли и знамиња против Израел. Тие со години веќе даваат голема поддршка на Палестина за која имаат и фонд.

Во 9. коло од првенството Паулиста во Бразил, Сантос изгуби 2-1 од Коринтијанс. Нејмар одиграл 67 минути кога бил изваден од игра. Покажал дел од раскошниот талент ама не донел многу корист за својата екипа.

Евертон и Ливерпул го одиграа последното дерби на легендарниот Гудисон Парк кое заврши 2:2. Гостите го свртеа мечот со головите на Мек Алистер и Салах, откако губеа 1:0 во 11 минута, но Џејмс Тарковски ја заби во последните мигови за делириум меѓу навивачите кои влетаа на терен. Тензично беше по крајот на мечот со турканици на теренот, а Дукуре и Џонс заработија црвени картони.

Само 5 гола на трите средби во терминот од 21 часот на вторите плејоф средби од Лига на шампиони. Предност на првите дуели обезбедија Феенорд, Баерн и Бенфика. Претходно Клуб Бриж ја совлада Аталанта со гол од пенал во 94-та минута.

Тенко е со голови засега во Лига на шампиони, ама барем има што да се види. Баварците водат 0:2 на гости против Селтик, благодарение на бомбата на Олисе и волејот на Кејн. Квалитетни погодоци.

Брз гол падна на вечерашните средби од ЛШ кој оди на душа на Мајк Мењан. Голманот на Милан киксираше во 3 минута, откако не успеа да го скроти ударот по земја на Игор Паишао.

На вештачката интелигенција, да не и фали малку интелигенција?

Беше алфа&омега на Динамо Загреб, сива еминенција на хрватскиот фудбал и човек кој е најзаслужен за трансферите на стотици хрватски фудбалери во странски клубови. Го направи Динамо апсолутен хегемон и „вечен“ шампион, а на крајот избега во БиХ поради тоа што во Хрватска го осудија на шест ипол години за извлекување пари од Динамо Загреб.

На светското првенство во пара-алпско скијање во Марибор, Словенија имаме наш човек, кој вреди да се види и спомене. Тоа е Зоран Јовановски кој ги заврши двете слалом трки како 22ро и 25то пласиран и го освои 22рото место. Честитки за успехот и посветеноста и само напред.

Ракометната селекција на Хрватска не беше вбројувана ниту во топ 6 кандидати за медал, а на крајот заврши втора во свет. Две легендарни имиња заминаа во репрезентативна пензија, Игор Карачиќ и Домагој Дувњак. Ни улета материјал од славјето на среброто, ама не она од плоштад. Така се живее дечки.

Горан Пандев во Италија ужива целосен респект. А и како да биде поинаку кога заборуваме за легенда со 493 натпревари во Серија А и 101 гол или втор странец по број на настапи во историјата. Плус уште вкупно 100 меча во национални и меѓународни Купови.

Од почеток на натпреварот Манчестер Сити - Реал Мадрид навивачите на домашната екипа со свирежи го испратија секој контакт со топка на Винисиус. Овој им врати со признание за најдобар играч на мечот. Во еден момент го закачаа со скандирање: „Кај ти е Златната топка“? Им одговори со прст на амблебот со 15 пехари во Лига на шампиони.

Македонскиот репрезентативец Елиф Елмас на крајот од јануарскиот преоден рок конечно куртули од вртлогот во германски Ред Бул Лајпциг и се врати во омилената Италија. Елмас долго време не играше, не се снајде во Ред Бул Лајпциг каде не доби права шанса, па реши да се врати во Серија А. Потпиша за Торино каде се очекува да ја врати старата добра форма.

Манчестер Сити и Реал Мадрид одиграа екстра содржаен натпревар со отворена игра и многу шанси, најмногу пред голот на Едерсон кој имаше полни раце работа. Кралевите притискаа од сите страни, а најјаката шанса која ја пропуштија беше онаа во 12-та минута. Искомбинираа тики-така акција по која беше совладан и голманот и за која долго ќе се зборуваше да не беше Нејтан Аке.

Дваесет и три годишниот Прилепчанец кој е и македонски репрезентативец, Бојан Димоски, од зимава од јануари е нов член на белградски Партизан. Дојден е на позајмица од рускиот клуб Акрон со право на откуп. Навивачите на Партизан едвај чекаат да го видат по левата страна каде долго време немаа адекватно решение. Димоски кој е офанзивен лев бек, вели дека едвај чека да заигра и сонува победа во дербито.

Мега средбата меѓу Манчестер Сити и Реал Мадрид беше добра прилика да се продолжи кошкањето меѓу навивачите на тема Златна топка. Винисиус не можеше да се помири што му ја дадоа на Родри, па навивачите на Сити освен со кореографија, го провоцираа и со реплика од самиот трофеј.

За време на натпреварот меѓу Русинот Александар Шевченко кој игра под знаме на Казахстан и Американецот Мајкл Мох, на првиов при еден сервис му одлета рекетот и му се скрши на пола. На турнирот во Делреј Бич во САД, Мох славеше 0:2 во сетови и оди во следна рунда.

Триесет и шест годишниот хрватски фудбалер и натаму има што да покаже. Иван Перишиќ кој имаше сјајно богата кариера, пред неколку месеци се врати во Хајдук Сплит ама во далматинскиот клуб немаа никакво разбирање за него па практично го отпуштија и раскинаа договор со него. Перишиќ сега е главен играч на ПСВ Ајндховен и се бори за осминафинале во Лига на шампиони. Синоќа против Јувентус кој му е голем ривал од времето кога играше за Интер, постигна прекрасен гол за 1-1. Ќе има јак реванш во Холандија.

Што нога и мозок ќе имаше Уругваецот Федерико Валверде? Погледнете го мајсторот каде го најде Белингем, буквално преку цела одбрана. Ќе беше асистенција на сезоната во ЛШ. Штета.

Во натпревар од Конкакаф Лига на шампиони за Централна и Северна Америка, Круз Азул со 5-0 го совладал Реал Хоуп. И подобро по фудбалерот на Круз Азул Игнасио Начо Риверо што победиле затоа што го имал промашувањето не на сезоната, туку на деценијата.

Се испењавија фудбалерите на Јуве пред голот на ПСВ. На ти ја, дај ми, па ја загубија, ама и другиве не беа поарни. На крај Вестон Мекени ја дупна топката и ја искина мрежата. Душмански ја закачи.

Навивачите на Манчестер Сити пред натпреварот со Реал Мадрид кој беше спектакуларен, извадија една „шеталица“ на која имаше фотографија од Родри со наградата Златна топка за најдобар фудбалер на светот за минатата сезона. Тогаш Бразилецот Винисиус беше револтиран и гневен зошто тој не ја освоил. Синоќа Вини Жуниор одигра одличен натпревар и беше избран за играч на мечот кој Реал го доби после пресврт длабоко во судиско продолжение 2:3.

Лига на шампиони вечерва го продолжи новиот формат па се одиграа првите натпревари од новиот бараж за пласман во осминафинале. ПСЖ рутински го растури Брест на гости и веќе речиси обезбеди пласман понатаму. Сити и Реал одиграа Луд натпревар со дури 5 гола а на крај славеа „кралевите“ со гол во судиско продолжение. Јувентус го скрши отпорот на ПСВ.