Чекаше, чекаше долго време српскиот репрезентативец и конечно дочека своја шанса. Тренерот на Милан Серџо Консеисао почна да има повеќе доверба во Лука Јовиќ а тој му врати со два гола во големото градско дерби, и тоа во полуфинале на Куп на Италија каде росонерите го згромија Интер со 0-3.

Во прекрасно мало градско дерби Арсенал и Кристал Палас постигнаа 4 гола и поделија по бод. Арсенал водеше 1-0, па 2-1 и на крај Французинот Жан-Филип Матета во 83-та минута постигна прекрасен еврогол со лоб. Сега на табелата во Премиер лига Ливерпул е прв со 79 бода, 12 повеќе од Арсенал но и натпревар помалку имаат црвените кои наскоро би можеле да ја осигураат новата шампионска титула.

Како први, така други. Само еден ден по триумфот на Барселона над Мајорка од 1:0 и фудбалерите на Реал Мадрид славеа со идентичен резултат. Хетафе на гости го реши Арда Ѓулер со убав гол. Разликата останува на 4 бода. Во сабота е финалето во Копа дел Реј меѓу Барса и Реал со почеток од 22 часот.

Не е само Манчестер Јунајтед мизерија оваа сезона, туку уште една екипа, а тоа е Тотенхем, кој следна европските купови ќе ги гледа на тв. 18 порази имаат во Премиер лига и во моментов се на 16-то место со 37 бода. Погледнете колку се синхронизирани во напад.

„Со кошарка се заразив откако гледав како Југославија ја победува Бугарија, најмногу благодарение на Иво Данеу. Можеби сум малку пристрасен, но кошаркарската супериорност на луѓето од екс Југославија доаѓа од неколку фактори. На прво место е карактерот. Тие се горди, не поднесуваат некој да си игра мајтап со нив“. 

Дваесет и осум годишниот повремен италијански репрезентативец Рикардо Орсолини постигна прекрасен гол за Болоња во 90+4' минута против Интер за триумф од 1:0. На овој начин Наполи се израмни бодовно со Интер на врвот, имаат по 71 бод и до крајот ќе следува голема борба за скудетото. Има уште 5 кола до крајот. 

Авторот на славниот удар од пенал се вика Антотин Паненка, кој му го демонстрираше на светот во 1976-та и тоа во финале на ЕП против Германија. Го изведе во последната пенал серија за победа на Чехословачка која стана Европски првак. Ама сега заборавете на таа историја и погледнете што искомбинираа царевиве.

Фудбалскиот клуб Авелино 1912 од јужна Италија повторно се најде меѓу ударните вести од светот на фудбалот, не само поради долгоочекуваниот пласман од трета во втора италијанска лига Серија Б, туку и поради една необична мистерија.

Ако Југот на Италија се смета за жесток, гласен и немирен, претпоставете какви се навивачите на Авелино кои таму ги сметаат за најнезгодни. Фудбалскиот клуб Авелино после цели 7 години конечно се враќа од трета лига Серија Ц во втора лига Серија Б. Навивачите го прославиле пласманот на градскиот плоштад заедно со играчите. Била голема фешта па некои со право се прашуваат што ли ќе биде ако еден ден се пласираат во Серија А или во еврокупови?!

Индијана Пејсерс го победи Милвоки Бакс 123-115 и води со убедливи 2-0 во серијата од разигрување за титулата. Паскал Сијакам со 24 поени и 11 асистенции беше најефикасен кај Индијана а го следеа Тајрис Халибартон со 21 поен и 12 асистенции и 5 скока, како и Андрју Нембхард со 17 поени и 6 асистенции и Арон Несмит со 16 поени. Кај Милвоки Бакс, Јанис Антетокумбо постигна 34 поени со 18 скока а Боби Портис Џр. 28 поени со 12 асистенции.

Конечно започна и разигрувањето за титулата во Евролига. Синоќа прво Топ8 го отворија Фенербахче и Париз а турскиот состав славеше тесно 83:78 во мошне неизвесна завршница. Во Атина, претседателот на Евролига Дејан Бодирога пред мечот ПАО - Ефес, на Американецот Кендрик Нан му го додели вредното признание МВП за најдобар играч на основниот дел од сезоната.

Завршува една славна ера на Манчестер Сити со Кевин Де Брујн. Архитектот во играта на Пеп кој мижеечки ги гаѓаше соиграчите со топка. 10 сезони, 16 трофеи, 417 настапи, 107 голови и дури 177 асистенции. Страшен играч. Дефинитивно еден од најјаките во историјата на Сити. Погледнете колку од овие пасови можеле да станат асистенции.

Ако некој се прашува во кладилница, зошто Барса не му ја даде 1 со повеќе голови, нека ја погледне статистиката. Имаа ужасно лоша вечер во однос на ефикасноста, изразена со 40 удари од кои 13 во рамки на гол, со 78% посед на топка. Додуше и голманот на Мајорка беше во елемент и затоа мечот заврши 1:0. Одиме со шансите на Олмо, Араухо и Јамал.

Гори во Англија кога се во прашање битките за места кои водат во Лигата на шампионите. И допрва ќе гори, а голема е веројатноста да одлучуваат директи дуели.

Кошаркарите на Лос Анџелес Лејекрс ја совладаа Минесота Тимбервулвс 94:85 во вториот дуел од серијата во разигрувањето за титулата и израмнија на 1-1.

Барселона со 1-0 ја совлада Мајорка со голот на Дани Олмо во 46' минута и одново му избега 7 бода на Реал Мадрид кој има и меч помалку. На дуелот синоќа во Барселона Педри беше избран за играч на натпреварот. Правеше чуда со топката како на времето Андрес Иниеста. За 90 минути имаше 105 успешни од 114 додадавања, 6 создадени шанси, 20 додавања во последната четвртина од теренот, 18 одземени топки и 100% успешни дриблинзи.

Доскорешниот европски шампион и една од најголемите фудбалски сили на светот Манчестер Сити сезонава игра под сите очекувања. Откако западнаа во сериозна криза, некако во финишот почнаа да ја вадат сезоната за да се изборат за место кое води во Лига на шампиони следната сезона. Синоќа со 2-1 ја победија Астон Вила која претходно прва поведе преку Маркус Рашфорд од пенал. Сити славеше со погодок на Матеуш Нуњеш во 90+4' минута! Гвардиола полуде од среќа.

На еден натпревар против Каљари во ноември 2021-ва уште додека играше за Наполи и беше најдобар центарфор во Италија, Виктор Осимен при еден дуел со противнички голман и удар на топката со глава, страшно опасно ја повредил регијата околу едното око. Му течело крв непрекинато. Од тогаш носи заштитна маска. Некогаш како на пример синоќа на мечот Коњаспор - Галатасарај во турскиот Куп на кој даде гол во победата 1-5, ја местеше маската пред да центрира.

Играл добро за Бетис или не, уште не го оставаат на мира по социјални мрежи. Синоќешниот волеј против Жирона му го споредија со еден сличен таков на Роналдо, токму со коментар каков што е насловот.

Двајца кошаркарски тешкаши, кои во 90-те одбележаа една незаборавна и неповторлива ера во Чикаго Булс, а денес пријатели кои заедно играат голф.

Тоа што помладиве се растени во време на Меси и Роналдо, па ќе продолжат да се воодушевуваат на Мбапе, Халанд, Јамал и другите, не значи, односно не смее да не знаат какво играчиште беше Дејан Савичевиќ. Луиџи Аполони и Фернандо Коуто не знаат што ги снајде. Кај ги изеде со два потега, па уште и му ја даде на тацна на легендарниот Роберто Баџо. 30 години е стара снимката, а мечот е Милан - Парма.

Триесет и две годишниот најдобар египетски фудбалер во историјата, кој на 15-ти јуни ќе наполни 33 години, сезонава игра во транс. На 33 меча во Премиер лига има 27 гола и 18 асистенции и е најзаслужен што Ливерпул е на прагот да освои нова шампионска титула. Салах е многу близу да ги освои индивидуалните награди што се доделуваат за најдобар играч на светот, најдобар стрелец во европските лиги, најдобар стрелец во Премиер лига итн.