П.с. реално кучињата во Кина имаат многу поголеми проблеми од петардите за на кого било да му падне на памет да прави кампања да не се рокаат петарди и огномети за Новата година.

Aјова има најниска стапка на разводи. Кој ги чува тие бракови во Ајова? Гласни жени и послушни мажи. Првиве имаат и натпревар, натпревар во тоа која од нив најдобро (најстрашно) го повикува својот маж. А ги има - прав хорор. Снимка од натпреварот објаснува и зошто Ајова истовремено има една од највисоките стапки на конзумирање алкохол.

Го начекаа во Давос првиот човек на Фајзер и едно три минути го напнаа зошто лажел/молчел за вакцината и трансмисијата на вирусот. Со наведната глава, Бурла одмолчи, каејќи се што решил да оди пешки. Бадијала плебсот ќе се сити, тој утре пак ќе се разбуди со милијардите кои ги направи, меѓу другото и со Урсула од ЕК, која му нарача по 10 вакцини за секој човек од ЕУ. 

Додека за иста завршена работа, два мајмуна наградуваш исто, макар била тоа и незанимлива краставица, нема никаков проблем. Меѓутоа, кога еден од нив ќе наградиш со краставица, а другиот ќе добие  грозје - е тогаш станува озбилен проблем и во првиот мајмун се раѓа синдикалец! Го маваше со краставица, бе!

Во сè се согласуваме со Горчин Стојановиќ (театарски режисер), од тоа дека не сме сигурни дека враќање на Џони би било паметно и дека би сакале тоа да го гледаме, до она дека ќе треба уште долго време да се сфати каков неповторлив опус тој ни остави, две третини песни да се успешни, половина одлични а една четвртина - генијални.

Двајца скејтери уиграно крадат продавница (едниот го зазборува преодавачот, другиот трпа работи во ранец), кога во истото место доаѓа посериозен апаш, вооружен со пушка. Прводојдените без зборови ќе се согласат дека тоа не е фер, ќе го совладаат воружениот, ќе го поклопат со рафт, ќе ја остават неговата пушка на каса и ќе фатат штрафта. Господа.

Уште кога со Џорџ Харисон ги вежбале основните рокенрол акорди, на Пол Макартни му се има бендисано една хармонија од класичната музика, за која не ни знаел како се вика. По некое време, дошол момент тоа (Буре во Е-мол од Бах) да биде „прошверцувано“ во “Blackbird” од Белиот албум. Генијалности.

Секој што добацил барем до Истанбул ако не и понатаму на исток, знае дека ценкањето таму ќе ви заврши со огромна радост и гордост на себе каква тоа цена сте успеале да исценкате, сè додека на првиот ќош, за истата работа не ви биде понудена штотуку исценканата цена како - почетна. Безброј финти имаат тие - мама си тракале - трговци.

По 30 години криење, вчера во Палермо е уапсен првиот човек на Коза ностра, Матео Месина Денаро (да беше од Битола, Денаро ќе го викаа Инфлацијата). Првото „благодарам“ за полицијата дојде од соседите на Денаро.

Се исфрлавме од нервоза додека го гледавме клипов. На бензиска станица, од Тесла излегуваат две девојки и наидуваат на проблем - каде се става бензин во колата. По некое време еден проба да им објасни, пошто таа не знае ни што вози, дечко и ѝ ја позајмил колата. Мислите го послушаа? Каков ќутек лежи во тој нејзиниот дечко, не е свесен!

Знаејќи во какви будалести емисии и треш проекти го имаме видено, за малку лабаво ќе го прескокневме Маца и ќе ја утневме оваа негова дестилирана дијагноза на времето во кое живееме. Маца ја убоде суштината, достојно на еден Рамбо.

Дури сега ни станува јасно зошто меѓу Кинезите толку лесно се шират разно-разни вирусишта и зошто нивната држава често е принудена да воведува радикални карантини во кои луѓето ќе бидат јасно одвоени едни од други. Накратко, затоа што не се тепаат ко луѓе. 

Бравурозна QAnon-овска приказна за подмолната завера против еден од најдобрите играчи на сите времиња. Душманите на Роналдо го изведуваат својот пеколен план со помош на инсајдер од неговата спална соба. Учете како може да се направи педантна теорија на заговор од секоја можна ебана тема.

Пишурија сцени од демонстрациите во Луцерат, каде еко-активисти протестираат против копање јаглен (Грета Тунберг им е морална поддршка). Пандурите заглавија во една таква кал, да ти е жал да ги гледаш. Вакви сцени на извлекување заробени соборци, во Нормандија и Данкирк се немаат видено.    

Куршевел е името на францускиот алпски ски-ресорт што дури и вашите најбогати пријатели се воздржуваат да го изговорaт да не случајно некој спомне да се оди таму на зимување. Тоа не значи дека кафаните во Куршевел се празни и дека нема кој да оди.

Ќерка ја снима својата дементна мајка како е „своја на своето“ само кога ќе седне на пијано и беспрекорно ќе ги свири Шопен и Бетовен. Старата има 92 години, Алцахјмер кој прогресира и ова е една од ретките работи што умее да ги прави сама.  

Мик Волас, член на Европскиот парламент не може да се изначуди како толку бргу исчезна интересот за тоа кој е одговорен за саботажата на Нордстрим, учебникарски пример за еко-тероризам во кој се случи најголемото испуштање метан во историјата.

Рајан Рејнолдс (и агенцијата што му брка работа) за фирмите што ги поседува (Минт, Авиејшн џин...) има пракса да ги лови актуелните трендови и со нив да склопи некоја прилично допадлива реклама, за не многу пари. Трендот што сега го фати е вештачката интелигенција на ЧатГПТ, и ако ова стварно е точно време е копирајтери под итно да одат да упишат курс за бербери или да научат местење гипс картон.

Може газдата ќе даде некои покачување, можеби си вика вработениов лабаво местејќи една шипка во дуќанот која набргу ќе му падне точно на стопало на газдата. Ок, ништо страшно, знае тој и вторпат на ист начин да ја намести шипката.

Актерот Грег Дејвис порано бил наставник и дечкото е еден од најзабавните раскажувачи на анегдоти кои сe имаат појавено во шоуто на Грем Нортон. Задолжително слушнете ја приказната кога мамурен, по грешка облекол гаќи од мајка му и таков отишол на настава. Рајан Гослинг се преврте од смеење.

Питер Зеихан е американски геополитички аналитичар кој со децении се занимава Кина, Русија, арапски свет и слични теми. Деновиве тој гостуваше кај Роган и даде ретко оптимистички (за САД) предвидувања за светот, во кои главно САД во иднината и немаат од што да се грижат, во однос на она што денес се смета за најголема закана - Кина и Русија.

На неколкумина едноставни луѓе од племиња надвор од западната орбита, им ја пуштаат „Hurt“ на Трент Резнор, во нејзината најдобра форма, онаа на Џони Кеш (нема песна што тој ја има обработено а да не е подобра од оригиналот). Одвреме навреме им го паузираат спотот, да им објаснат текст и контекст. Наравоучение: од кое и племе да си, Џони Кеш ќе те дирне.  

Мало потсетување на сите познати лица кои починаа во 2022 година, во форма на легедарниот омот на Битлси, Сарџент Пепер... Многу се загледавме и многу одново ни падна жал за некои ликови.  Додуша „отишо је свак ко ваља“ е чувството кое го имаме секоја година, кога ќе се потсетиме кој сè отишол, а знаеме каква фукара има останато. 

Босански професор за сржта на лоповлукот на секој еден што има каква било власт на Балканов. Тоа што на толку крадење никој не одговарал, тоа е сосема друг проблем.