Песнава и онака е тешко поднослива, уште нашол да ја препее Кеба. А на Кеба не му е првпат, претходно ги има обесчестено и едни Ролинг Стоунс (Paint it black). Индира, сè ти е простено!

Со помош на Фреди Меркјури и другарчињата од Квин,  се враќаме во 'мрачните' денови на музиката, кога околу една песна се мозгало, се свирело, се пробувало, се дискутирало, а и се пушело во студио. Сега се буричка по компјутер.

Можно е прво да помислите: Ех, каква ______________ (одлична/одвратна) земја е оваа Холандија, проститутка треба да игра за некој да ја примети. Памет во глава, песната завршува.

Како жените да ги натераш да си ги пипкаат почесто градите (за нивно, а не за наше добро)? Така што ќе направиш такво видео по кое ќе посакаат да симнат една мобилна апликација и да си одберат батка кој ќе ги потсетува на тоа. Сосема неозбилно за една сосема озбилна работа. Така се прави тоа.

Баш е православно кул да станеш в зори (во четврток беше тоа?) и домашните да те најдат како го правиш Кени од Саутпарк. Ако старите велигденски дизајни ви се помалку здодевни и сте подготвени годинава да вапцате јајца со мотиви од поп културата, елајте.

За секој што е, или познава некого кој е опсесивно - компулсивен. За сите оние нередот им личи на хаос и секогаш и секаде пробуваат да ја средат околината под конец. Ѕирнете колку би изгледал досадно нашиот свет кога таквите би победиле.

Мајк Тајсон за тоа како Бред Пит го зафркнал, ама бил премногу разочаран за да го здроби од ќотек.

На илјадници граѓани на Скопје, без правење колони низ Центар и блокирање на сообраќајот, со текот на годините и поминатите километри, им се насобраа неколку барања до таксистите. До сите нив, и диви и питоми.

Ние го ставивме на ауто-риплеј. Прво затоа што ништо не ни е јасно. Второ, веројатно и нема што да ни е јасно, ама пак заслужува ауто-риплеј.

МВР најави дека ќе ја смени ергелата остарени Крајслери. Да молиме бога да не купат нешто вакво.

Замислете дека сме некаде на средина на 90-ти. Сега замислете дека имате интернет (дајл-ап, не мора повеќе). Ај сега кликнете на сликичката во вашиот вебсајт браусер.

60 секунди кои ќе ви покажат како дрогите и алкохолот го менуваа лицето на некогаш убавата Линдзи Лохан во последните 25 години.

Не е сè во 3Д -то. На Тајланд имаат едно обично дводимензионално кино со најнормално платно и пристојни седишта. И местоположба од која течат лиги.

Не, не се работи за прекршување на 10-те божји заповеди. Тоа е лесно. Има други работи, фино лепо стои таму во Библијата. Па, ако сте расположени да проверите колку гревови правите секојдневно, знајте дека кликањето на 'повеќе' не е еден од нив.

Затоа што има направено куп добри песни. Затоа што знае да се шали со себе. Затоа што нема гајле да се појави на нечии веренички фотки. Затоа што знае анонимно да засвири како уличен изведувач. И конечно, затоа што на 62 години му се може ова: 

Му доаѓаат дома заради неговиот оглас и додека тој им ја опишува гитарата, ставаат чорапи на глави. Начинот на кој дечкото заќуте е прајслес а за продолжетокот на сцената, пари би дале да го видиме.

Имате грда и дебела жена што сака да зановета? Решението е едноставно, треба само да примите анестезија и да се надевате дека ќе пројдете како холанѓанецот Хууг Босе. После операцијата на колкот, од некоја чудна реакција на анестетикот, човекот не престанува да се смее. Жена му не може да го поднесе. Нему - сеедно. Ѕирнете како тоа изгледа.  

Некој ќе лапа 640 милиони долари колку што изнесуваше рекордната лото добивка во САД (изгледа тројца ќе ги делат парите). Статистички, шансата да се добие оваа премија изнесуваа 1 на 176 милиони! Што сé е поверојатно да му се случи на еден Американец?

Парчиња од сите 42 песни кои ќе бидат испеани на Евровизија 2012. Со нечии (глупи) коментари. Уште по првиот коментар ти доаѓа да стиснеш стоп (го руга Рамбо), ама после си викаш, чек да видам што ќе каже за Македонија. И така, малку по малку, ќе се изнаслушаш глупости.

Оптимистот: чашата е полуполна. Песимистот: чашата е полупразна. Реалистот: Чекајте бе луѓе, не ве разбирам:

Си имате работа со спор, досаден, никако да погледне наваму, добро бе, работи ли некој овде - келнер? Еве начин како да му ја наплатите лошата услуга а тој формално - правно ништо да не ви може. Освен ако не е појак од вас :)