Offside › Набрзинка

Лејкерс ќе му откријат статуа и на Фил Џексон

9 September 2026

Лос Анџелес Лејкерс одлучил на посебен начин да му одаде признание на еден од најуспешните тренери во историјата на франшизата. Фил Џексон ќе добие своја голема статуа пред салата на Лејкерс во Лос Анџелес. Свеченото откривање е закажано за 9-ти април 2027-ма година во пресрет на натпреварот на Лејкерс со Минесота.
Фил Џексон така ќе стане девета легенда на Лејкерс која ќе добие статуа на Стар Плаза откако претходно таа чест ја имаа великаните: Меџик Џонсон, Карим Абдул-Џабар, Џери Вест, Елгин Бејлор, Коби Брајант, Шекил О'Нил, Пет Рајли и легендарниот коментатор Чик Херн.
Фил Џексон е рекордер по бројот на остварени победи во основниот дел од сезоната - 610 победи а има 292 порази. За 11 години на клупата на Лејкерс во два мандати од 1999 до 2011 освои дури пет НБА шампионски титули а играше седум финалиња. Неговите екипи никогаш не пропуштиле доигрување додека тој им бил тренер.
Тој е автор на легендарниот тандем Коби-Шек кои освои дури три титули по ред: 2000, 2001 и 2002. После неколку години се врати на клупата на Лејкерс и со Коби Брајант и Пау Гасол освои уште два шампионски пехари, во 2009 и во 2010.
Гувернерката на Лос Анџелес Џини Бас истакнала дека Џексон со својот пристап го вратил шампионското наследство на клубот.

извор

ФК Вардар плати казна од 250.000 евра

10 September 2026

ФК Вардар денеска ја плати казната кон УЕФА во вредност од 250.000 евра.
„Казната се однесува на неправилности, манипулации, фалсификати и незаконити дејствија направени од предходните сопственици, акционери и одбор на директори. Период пред летото 2024-та.
Во сезоните 2021/22, 2022/23 и 2023/24 склучувани се незаконски двојни договори (пример: договорите со Блажевски и Глишиќ), исплаќани се пари од други сметки, недостасува сметководствена документација и дузина други неправилности наведени во образложението на казната од УЕФА“, стои во соопштението на клубот.

извор

РК Вардар 1961 се враќа во Лига на шампиони после 4 години

10 September 2026

Ракометарите на Вардар 1961 по четири години се враќаат во Лигата на шампионите на ЕХФ, а првиот натпревар во новата сезона ќе биде особено интересен. „Црвено-црните“ гостуваат кај Мелсунген во Касел, во натпреварот кој ќе се одигра во четврток од 20:45 часот (пренос Арена Спорт ТВ).
Мелсунген, пак, за првпат во историјата ќе игра во елитното европско натпреварување, откако минатата сезона ја освои Европската лига и со тоа обезбеди место меѓу најдобрите.
Интересно црвено-црните минатата сезона на два пати убедливо го совладаа Мелсунген кој подоцна го крена трофејот во Европската лига. Тогаш, според зборовите на тренерот Чупиќ Мелсунген имал неколку повредени ракометари и играл ослабнат а сега е голем фаворит како сила од Бундеслигата.

извор