- Американнски сили извршиле три прецизни напади врз ирански радари и конролни центри, како одговор на соборувањето на хеликоптер „апачи“ во близна на Ормускиот проток во вторникот.
- Како одговор, Исламската револуционерна гарда на Иран изврши напад со беспилотни летала врз Петтата флота на САД во Бахреин. Нема податоци за предизвикана штета.
- Трамп претходно не бил убеден во потребата од одмазда против Иран и го минимизираше соборувањето на хеликоптерот, повторувајќи дека „не е голема работа“ и дека двајцата пилоти се евакуирани. Се предомислил откако шефот на Пентагон Пит Хегсет и генералот Ден Кејн му доставиле ажурирани податоци дека ирански дрон „шахед“ го погодил хеликоптерот и препорачале воена акција.
- Техеран објави дека „не го погодил намерно“ хеликоптерот. „Странските сили во близина на нашата територија се во постојан ризик поради сопствените човечки грешки, обични несреќи или може да бидат фатени во вкрстен оган“, објави министерот за надворешни работи, Абас Арагчи.
- Патријархот Кирил, поглаварот на Руската православна црква, е вклучен на новиот список лица на кои ЕУ сака да им воведе санкции поради војната во Украина - да им ги блокира сметките и имотот и да ги спречи да патуваат во Европа.
- Европската комисија не го открива идентитетот на лицата од проширениот список пред санкциите да бидат одобрени од сите 27 членки, но извори од Брисел потврдиле дека е допишано и името на патријархот.
- ЕУ предложи санкции против патријархот Кирил и во 2022 година, но Унгарија тогаш стави вето на одлуката, со образложение дека тоа е прашање во врска со верски слободи.
- Друга точка од 21-от пакет санкции од ЕУ за Русија предвидува забрана за влез во ЕУ на сите Руси што биле на воена служба во Украина откако почна војната во 2022 година.
- Се бараат и санкции за банки, берзи за криптовалути и за уште 30 бродови од „сивата флота“ руски танкери натоварени со нафта и гас.
- Британската владејачка Лабуристичка партија го обвини Илон Маск дека со порака на X ги поттикнал големите нереди во Северна Ирска како реакција на ѕверскиот напад на азилант со нож врз маж во Белфаст.
- „Само со ПОВТОРНО и ГЛАСНО протестирање ќе има некаква промена!!“, порача Маск пред протестите и сподели десетина локации на кои ќе се собираат луѓе.
- „Ужасно е. Секој што се обидува да поттикне и искористи ваква ситуација за да ја спроведе својата политичка агенда, греши и прави штета. Деца и семејства мораа да ги напуштат своите домови. Не сакаме да видиме вакви нарушувања, штета, бандитство, насилство на нашите улици, и секој што се обидува да го предизвика тоа треба да биде осуден“, изјави Ана Тарли, претседавач на Лабуристичката партија.
- Напаѓачот е идентификуван како Хади Алодид, азилант на Судан, кој морал да ја напушти Британија во септември 2023 година.
- Лекари сè уште се борат да му го спасат животот на Стивен О’Гилви, жртвата на нападот. Тој го изгубил левото око, а има и сериозни повреди на десното и на вратот.
