- Мала група неовластени корисници пристапиле до Mythos, новата алатка со ВИ за која производителот Anthropic тврди дека може да ги пронајде (и потенцијално да ги искористи или злоупотреби) слабостите на речиси сите системи на интернет.
- Анонимен член на групата изјавил за Блумберг дека по упадот редовно го користи Mythos, но исклучиво за тестирање. Тој го потврдил пристапот со снимки од екран и демонстрација во живо.
- Anthropic го потврди неовластениот упад, но истакна дека истрагата не открила докази дека тоа имало влијание врз кој било од системите.
- Anthropic го претстави Mythos како алатка способна да идентификува и да искористи ранливости во секој поголем оперативен систем и веб прелистувач кога корисникот ќе го наложи тоа.
- Токму поради висок ризик од злоупотреба, Anthropic одби да го претстави Mythos за широката јавност. Наместо тоа, го сподели со партнери и конкуренти од Силициумската долина – како Епл, Амазон, Циско и десетици други - во проектот Glasswing за тестирање и зајакнување на кибернетската безбедност. Ѝ го понуди и на администрацијата на САД за ограничена проверка на безбедноста на витални системи.
- Либанскиот премиер го обвини Израел за воено злосторство поради намерно убиство на новинарката Амал Кабил во јужен Либан. При нападот беше ранета и фотографката Зејнаб Фараџ.
- Откако со проектил било погодено првото возило од конвојот на новинарите, и притоа загинале двајца мажи, Кабил и Фараџ се засолниле во куќа во селото Тајри. Веднаш потоа била погодена и куќата.
- Израелските сили отвориле оган и врз обележаното амбулантно возило што се упатило кон новинарите. Првите екипи стасале до телото на Кабил и до ранетата фотографка по неколку часа.
- Израелските сили објавија дека гаѓале „возила што се одвоиле од воена структура на Хезболах“ и претставувале „непосредна закана“. Било погодено едно од возилата, а потоа и „објектот во кој избегале другите лица“.
- Калил во 2024 година изјави дека добила смртни закани и предупредувања да го напушти Либан.
- Таа е деветтиот новинар убиен во Либан оваа година. Откако Израел ја почна војната на 2 март, убиени се повеќе од 2.300 луѓе, а повеќе од 1 милион беа протерани од домовите.
- Масите се „излезени“ надвор од застаклените тераси на кејот и пред „Торос“ и пред „Бела виста“ и се протегаат до клупите што пред неколку години ги постави Град Скопје.
- Во Старата чаршија на уличките каде што има повеќе угостителски објекти, луѓето не можат да поминат раат по тесниот простор што е оставен помеѓу „летните тераси“.
- Безредие владее и на улица „Македонија“, каде што кафулињата постепено си се шират по еден ред повнатре на шеталиштето, а некои од нив, на пример „Студио 54“ буквално има поставено маси и столици по целата ширина на улицата.
- За давање дозволи за поставување урбана опрема на овие локации, кои воедно се најпосетени и од туристите што сѐ повеќе ги има низ Скопје, надлежен е Град Скопје. Оттаму убедуваат дека константно работат да воведат ред во поставувањето урбана опрема на улица Македонија, на кејот и во Старата чаршија и дека сè уште не се издадени дозволи за летните тераси, пишува Слободен печат.
