- Американски сили од изутринава бомбардираат цели во Венецуела, вклучувајќи го и главниот град Каракас. Нападите ги наредил претседателот Доналд Трамп пред неколку дена.
- Во Каракас во 2 часот по полноќ одекнале најмалку седум силни експлозии. Бил погоден хангар на воена база, а друг воен комплекс во главниот град останал без струја. Забележани се и надлетувања на авиони и американски хеликоптери.
- „Целата земја мора да биде активна во одбрана од оваа империјалистичка агресија“, објави венецуелската влада и ја повика меѓународната заедница да се спротивстави на „сериозната воена агресија“ од САД.
- САД во изминатите месеци ракетираа најмалку 35 венецуелски бродови за кои тврдат дека пренесуваат дрога, при што убија над 115 луѓе. Од неодамна воведоа и целосна блокада на танкерите што извезуваат венецуелска нафта, а извршија и воздушен напад врз пристаниште.
- Венецуелскиот претседател Николас Мадуро во петокот објави дека е спремен за преговори со САД за борба против трговијата со дрога и за американски инвестиции во венецуелската нафтена индустрија. Трамп, пак, му порача на Мадуро дека „би било мудро да замине од власт“.
- Руското Министерство за надворешни работи остро го осуди нападот на САД врз Венецуела и грабнувањето на претседателот Николас Мадуро: „САД утрово извршија оружена агресија против Венецуела. Ова е длабоко загрижувачко и за осуда. Изговорите што се користат за оправдување на ваквите дејствија се неосновани...“
- Украинскиот министер за надворешни работи Андриј Сибиха: „Украина постојано го брани правото на народите да живеат слободно, без диктатура, угнетување и кршење на човековите права. Режимот на Мадуро ги прекрши сите такви принципи во секој поглед.“
- Британскиот премиер Кир Стармер: „Прво сакам да ги утврдам фактите. Сакам да разговарам со претседателот Трамп и со сојузниците. Апсолутно јасен сум дека не бевме вклучени... “.
- Лидерот на опозицијата Најџел Фараж: „Американските акции во Венецуела се спротивни на меѓународното право - но ако ги натераат Кина и Русија да размислат двапати, тоа може да биде добра работа.“
- Еврокомесарката Каја Калас и шефицата Урсула фон дер Лајен: „Внимателно ја следиме ситуацијата во Венецуела. Стоиме зад народот на Венецуела и поддржуваме мирна и демократска транзиција. Секое решение мора да ги почитува меѓународното право и Повелбата на ОН.“
- Иранскиот ајатолах Али Хаменеи: „Секој што ќе сфати дека непријателот арогантно наметнува нешто на земјата, мора цврсто да се спротивстави и да покаже отпор. Ние нема да му попуштиме на непријателот.“
- Аргентинскиот претседател Хавиер Милеи: „Слободата доаѓа. Да живее слободата, по ѓаволите“.
- Американска елитна единица Делта форс утрово го заробила венецуелскиот претседател Николас Мадуро во Каракас и го извлекле од земјата, заедно со неговата сопруга, тврдат извори во Вашингтон.
- Претседателот Доналд Трамп потврди дека Мадуро е фатен и извлечен од Венецуела, но не објави повеќе детали.
- „САД успешно извршија обемен удар врз Венецуела и нејзиниот лидер. Операцијата е спроведена од силите за безбедност“, порача Трамп.
- САД уште во 2020 година објавија потерница по Мадуро, обвинувајќи го за наркотероризам.
- Одред на Делта Форс во слична операција во 2019 година го ликвидираше лидерот на групата Исламска држава Абу Бакр ал Багдади.
