- Директорот за глобален развој на фудбалот во ФИФА и легендарен тренер Арсен Венгер изјави дека Светското клупско првенство (СКП) испаднало успешен проект и дека во иднина ќе се одржува пак. На секои 4 години.
- СКП беше остро критикувано од многу страни а гласен беше и трофејниот тренер Јирген Клоп кој кажа дека турнирот е најлошата идеја некогаш спроведена во фудбалот која што ја донеле лица во фотељи кои никогаш не играле фудбал.
- „Секој има право на свое мислење, а јас воопшто не го делам ставот на Клоп. Мислам дека Светско клупско првенство е потребно. Ако ги прашате сите клубови кои беа овде, 100% од нив ќе ви одговорат дека би сакале да повторат пак. Тоа е најдобар одговро на прашањето што клубовите мислат за СП“.
- „Следното ќе биде во 2029. Тоа секогаш беше случај“ додал Венгер. Кандидати за домаќини на следното СКП се Шпанија, Бразил, Катар, САД и Саудиска Арабија.
- Триесет и шест годишниот центарфор и капитен на Австрија неколку недели ги разгледувал сите понуди од разни страни. На крајот се решил да ја прифати најбогатата, онаа од турска Анталијаспор која му понудила најдобри услови досега.
- Арнаутовиќ со фудбал почнал во виенските ривали Австрија и Рапид, а обата клуба се надеваа дека би можеле да го вратат да доигра кај нив пред крај на кариерата. Се споменуваше и белградска Црвена звезда.
- На крај го убедил некогашниот играч на Интер и Галатасарај Емре Белозоглу. Арнаутовиќ во кариерата играше уште и за Вест Хем, Шангај, Стоук и Болоња. Со Интер освои дури 5 трофеи меѓу кои и еден пехар во Лига на шампиони.
- Повратникот во Првата македонска фудбалска лига, Македонија ЃП се пофали со најновото „засилување“, по име Луј Микел Сила.
- Станува збор за Французин со голема желба да стане фудбалер, но е само аматер кој ја продава својата приказна на Тик-ток. Две недели бил во Скопје, а во еден период, 72 часа спиел пред стадионот на Македонија ЃП.
- 31 годишниот Сила се претставува како „нов Ламин Јамал“. Ги следел тренинзите на тимот и барал да му дадат договор. Македонија ЃП го претстави како свој играч, но само колку за промоција на социјалните мрежи.
