- Генералот Михаил Гудков, втор човек на руската Воена морнарица, загинал при укеаински напад кај Курск, објави Министерството за одбрана. Тој е еден од највисоките руски офицери што загина во војната со Украина.
- Неофицијално Гудков (42) бил убиен при украински напад со проектил од американскиот систем ХИМАРС врз командна позиција во пограничниот регион Курск, на територијата на Русија.
- Генералот командуваше со крајбрежните трупи, вклучувајќи и и единици на маринци. Пред да биде унапреден во заменик-командант на Морнарицата, тој командуваше бригада Маринци од Пацифичката флота, ангажирана на фронтот во Украина, а потоа и во Курск.
- Русија е првата земја во светот што официјално ја призна власта на талибанците во Авганистан.
- Министерството за надворешни работи ги прими акредитивите од новоназначениот авганистански амбасадор Ѓул Хасан Хасан и изрази надеж за „продуктивна билатерална соработка“.
- Талибанците ја презедоа власта во Кабул по хаотичното повлекување на трупите на САД и НАТО во август 2021 година и повторно ги наметнаа строгите шеријатски закони.
- Претставници на новите власти одржуваа средби со други земји и воспоставија форма на дипломатски односи со Кина, Обединетите Арапски Емирати, Узбекистан и Пакистан, но досега никој официјално не ја признал талибанската администрација.
- Москва во април ги избриша талибанците од списокот забранети организации поради „потребата да се стабилизира Авганистан“.
