Вести › Набрзинка

Да не се заборави: Во Кочани има 50 деца кои треба да закрепнат

18 May 2025

„Моментално во Кочани има над 50 деца што имаат потреба од заздравување и закрепнување. Ние зборувавме со луѓе од Холандија, Германија и Бугарија за изработка на компресивна облека, тоа се ракавици, за нозе, стегачи, за гради и за лице, и за врат. Тие се некои помагала за што им требаат моментално за побрзо да оздрават“, вели Марко Димитриев од Support Kochani.
„Има деца што се со отворени рани, имаме информација дека има деца со бактерии, имаме деца со некоја инфекција. Ние можеме да ги поканиме сите институции да дојдат и да видат, да ги прошетаме низ болницата, да видат каква е ситуацијата и како тие деца се лекуваат“, вели Димитриев.
Тие деновиве објавија застрашувачки фотографии од повредените кои во моментов се кочанската болница за да алармираат за помош и јавноста да не ја заборави ситуацијата во Кочани.

извор

Путин и Трамп два часа за примирје и за трговија

19 May 2025

Владимир Путин ни по телефонскиот разговор со Доналд Трамп не ја промени позицијата за крај на војната во Украина: Русија е за мир, но прво мора да се елиминираат причините за конфликтот. Двочасовниот разговор со Трамп тој го оцени како „информативен и полезен“.

„Русија предлага и е спремна да работи со Украина на меморандум за можен мировен договор во иднина. Меморандумот би ги дефинирал позициите за низа прашања, како принципите на решението и тајмингот на можниот мировен договор“, изјави Путин во Сочи. Тој додаде дека примирје во Украина би било можно само ако се постигнат „соодветни релевантни договори“.

Трамп на својата социјална мрежа порача дека Русија и Украина ќе почнат преговори за условите за прекин на огнот и за крај на војната. Со Путин разговарал и за трговски односи.
„Русија сака голема трговија со САД кога ова катастрофално крвопролевање ќе заврши и јас се согласувам. Има огромна можност за Русија да создаде работни места и богатство. Нејзиниот потенцијал е неограничен. И Украина ќе може да има полза од трговијата, во процесот на обнова на земјата“, порача Трамп.

извор

Се вмеша ли Франција во романските избори?

19 May 2025

Француското МНР ги отфрли тврдењата на првиот човек на платформата Телеграм дека интервенирале за да ги ограничат конзервативните пораки поврзани со изборите во Романија на кои, во шокантен пресврт, победи про-европскиот кандидат.
„Не можете против мешање во избори да се борите со мешање во избори“, напиша Павел Дуров додавајќи дека категорички го одбил барањето на „една западноевропска влада“ да ги замолчи конзервативните гласови на платформата.
Не напиша Франција ама затоа пораката ја украси со емоџија со кои беше нацртан францускиот симбол - багетот.
Првиот круг избори на кои победник беше конзервативниот Калин Георгеску беше поништен а тој беше дисквалификуван од изборната трка поради сомневање во руско влијание врз резултатите.
Италијанскиот вицепремиер Матео Салвини тоа го оцени како „Европски пуч во советски стил“ а Варуфакис порача дека „Либералите треба да бидат гневни заради забраната на Калин Георгеску“.

извор