Денес, 24.1., беше објавен списокот на номинираните за Оскар во сите категории. По малку изненадувачки по бројот на номинации (11) води филм кој лесно може да се најде ако не помеѓу најлошите, а тогаш сигурно меѓу најхаотичните - „Сè, насекаде и во исто време“.
По слична логика помеѓу оние номинирани за овогодинешната Златна малина за некого неправично би можел да се најде „Русокоса“ - контроверзниот биографски филм за Мерлин Монро, со осум номинации. Праведно, додуше, е што Ана де Армас не е во категоријата најлоша актерка - тој е номиниран за најлош филм, најлошо сценарио и најлош режисер.
За најлош актер пак, и тоа на два пати, е номиниран Том Хенкс, за улогата на менаџерот Том Паркер во „Елвис“ и за Џепето во „Пионико“. Нему, меѓу другите, му прават друштво Силвестер Сталоне за „Самариќанинот“ и Џаред Лето за „Морбиус“. Последниов стана интернет меме веднаш по премиерата на филмот и лошите критики.
Оваа година нема да се доделува специјалната награда Брус Вилис, кој се појави во дури 11 филмови во 2022. Како што пишувавме, минатата година организаторите на Малината воведоа категорија „Најлоша изведба на Вилис во филм од 2021“ и му го доделија признанието за научно-фантастичниот филм „Космички грев“. Но откако ден по церемонијата семејството на актерот соопшти дека тој се повлекува поради афазија, беше одлучено наградата да се повлече, а и да се укине специјалната категорија.
