- Еден од најголемите еколошки проблеми е застарената електроника, што ги поттикнува истражувачите да осмислуваат креативни начини да се намали е-отпадот. Сега еден тим измисли батерија направена од хартија и други одржливи материјали која се активира со вода.
- Станува збор за истражувачи од лабораторијата за целулоза и материјали од дрво, дел од Швајцарските лаборатории за наука и технологија. Оваа недела тие објавија статија во списанието Scientific Reports во која го опишуваат својот пронајдок кој може да биде алтернатива на поштетните батерии вообичаени за апарати со ниска моќност.
- Новата батерија ги има истите клучни компоненти како и стандардните - катода, анода и електролит, но тие не се спакувани како кај традиционалните батерии во пластика и метал, туку анодата и катодата се мастила отпечатени на парче хартија. На листот има нанесено сол, кој се раствора кога хартијата ќе се стави во вода. Растворот од солена вода кој притоа се добива дејствува како електролит.
- Зрно фестивал годинава ја завршува со впечатлива изложба на двајца професори од Академијата за уметност од Нови Сад. Таа ќе се одржи во сабота, 6 декември, во 19.30 часот, во салата Империјал 2, во КИЦ-Скопје.
- Во единството на делата на Јелена Ковачевиќ Воргучин и Предраг Узелац се отвора расправа за природата на трагите што ние луѓето ги оставаме. Узелац ги фаќа лицата на секојдневието во сребро, во материја што тврдоглаво памти, како да го штити она што светот лесно би го заборавил без аплауз — лицата на привидно обични луѓе со скриени подвизи, водени од сопствена етика, скромно, претставувајќи контрапункт на јавното мислење и наметнатите, непроверени вредности на современото општество.
- Јелена, напротив, ги прилепува сликите за тревата, во ткиво што ја прима светлината како космичка храна, каде хлорофилот го чува споменот на мајката онолку долго колку што природата му дозволува да ја предизвикува судбината на сеќавањето. Во нивниот диптих се среќаваат две вистини: потребата и немоќта животите да се сочуваат од заборав…Среброто и тревата, постојаноста и исчезнувањето, човекот и сеќавањето — сè се среќава во вечното прашање: што од светлината останува, а што се враќа во нејзината тишина.
- Во среда, трети декември, од 18 часот, авторот Сашо Алушевски ќе постави изложба од циклусот „На Мајката земја“ – шума, во мобилната-монтажна галерија, во Паркот на франкофонијата во Скопје.
- Преку суптилна деконструкција на лисја, земја, камен и вода, сликите ја расплетуваат врската меѓу визуелното и физичкото. Материјата се претвора во знак, а фотографијата — иако фиксирана — упорно одбива да биде статична. Таа сведочи за својата ограниченост, нудејќи простор каде што претставата и реалноста се разидуваат.
- Во реализацијата се користени природни материјали и повеќе аналогни фотографски техники: цијанотипија, Ван Дајк, гумотипија и гумомаслена техника, колодиум, мордансаж и лумен процеси.
