Најголемиот пресврт веројатно беше во категоријата Оскар за режија, па така во финалните пет ги нема Кетрин Биглоу за Zero Dark Thirty и Бен Афлек за Арго ("на нивно место" се Анг Ли за Life of Pi и Мајкл Ханеке за Amour), двајцата американски режисери чии филмови раскажуваат приказни за американски војници и оперативци во Средниот Исток.
Иако ја изгуби трката за номинација за најдобар филм, Скајфол стана првиот Бонд филм што доби номинација за кинематографија, а прва номинација во животот доби и Бен Зеитлин, за режијата на неговиот прв долгометражен филм Beasts of the Southern Wild (кој сега се натпреварува во иста категорија со Спилберг и Анг Ли).
И покрај темата и поддршката од ликови како Питер Џексон, документерецот West of Memphis на Ејми Берг не доби номинација за најдобар документарец.
Меѓу останатите забелешки е што Ен Дауд не доби номинација за споредна улога во Compliance, затоа што беше прескокнато сценариото на Риан Џонсон за Looper (а меѓу номинираните е сценариото за Flight), како и Фиона Епл која остана без номинација за Оскар за песната Dull Tool од This Is 40.
