Иако нема да добијат посебна категорија, како што бараа, сепак ќе бидат признаени како дел од хибридната - Најдобро постигнување во шминка и фризура.
Меѓу првите на веста реагираше Тед Гибсон, еден од најпознатите фризери во Холивуд (ги средува Анџелина Џоли, Марион Котилард, Ен Хатавеј), кој не е пресреќен што ќе треба да ја дели категоријата.
"Мило ми е што Академијата конечно ги признава фризерите во филмовите. Ова е одличен почеток. Ама не сум задоволен бидејќи косата треба да има сопствена категорија. Мерил Стрип му се заблагодари на својот фризер кога земаше Оскар (за Челичната дама), бидејќи знаеше колку е тој важен," изјавил Гибсон.
Годинава повторно беа одбиени барањата за воведување Оскар за каскадери и кастинг директори.
