Русија не направи ништо револуционерно, освен што реши да ја врзе вредноста на рубљата со златото, 1 грам злато = 5.000 рубљи (5.000 рубљи моментално се околу 55 евра), и со цената на нафтата. Односно како што објаснуваат од РТ: „злато за рубљи, рубљи за гас“.
Ваквата поставеност и дозволува на Русија да прифати и злато за меѓународните плаќања за природен гас.
„Замислете Русија да даде понуда од 1 грам злато за 1 барел нафта. Попуст кој звучи премногу привлечно.
Што се случува следно? Купувачите почнуваат да купуваат физичко злато за да платат за увозот на нафта. Побарувачката ја крева цената на златото, а ако расте цената на златото, расте и вредноста на рубљата,“ разработува РТ едно од сценаријата за одржување на рубљата.
