Корисниците на Снапчат ќе можат да си испраќаат пари меѓу себе откако ќе ги поврзат своите кредитни (или дебитни) картички со Сквер (платформа за плаќање преку уреди). Со внесување на "$" и сумата, ќе можеш да му испратиш пари на корисникот на Снапчат со кој што си поврзан.
И до сега во рамките на апликацијата функционираше сива економија, во која стриптизети или веб-кам девојки, нудеа пристап и прифаќање на нови снапчат корисници во замена за месечна, неделна, дневна или каква и да е претплата, која одеше преку некој од сервисите за префрлање пари. Разликата сега и тогаш, е што сега парите ќе одат директно преку апликацијата.
Инаку, намерата и оригиналната идеја на Снапчат е комплетно безазлена и апликацијата е замислена како начин за разменување на регуларни (ниту софткор, ниту хардкор) фотки. Оваа заблуда брзо им беше разбиена прво од напалени тинејџери, а потоа и од секс-работници/работнички, кои ја користат за сопствена промоција.
